Rossiya Ukrainadagi qariyalar uyi va elektr tarmoqlariga zarba berdi

Rossiya qoʻshinlari payshanba kuni Ukrainaning Sumi shahridagi qariyalar markazi va energetika sektoriga havo hujumlarini amalga oshirdi. Hujumlar natijasida bir kishi halok boʻlgan, 12 kishi yaralangan. Zelenskiy Rossiya soʻnggi 24 soat ichida 90 ta boshqariluvchi bombalar bilan hujum uyushtirganini maʻʻlum qildi.

Rossiya qoʻshinlari payshanba kuni Ukrainaning Sumi shahridagi qariyalar markazi va energetika sektoriga havo hujumlarini amalga oshirdi. Bu haqda Ukraina rasmiylari maʻʻlumot berdi.

Qayd etilishicha, mamlakat shimolidagi Sumi shahriga tushdan keyin Rossiya zarbalari chogʻida besh qavatli binoga bomba tushgan. Bir kishi halok boʻldi, 12 kishi yaralandi, deya xabar beradi ichki ishlar vazirligi Telegram’da.

Prezident Vladimir Zelenskiyning maʻʻlum qilishicha, qutqaruvchilar odamlar vayronalar ostida qolib ketganini tekshirmoqda.

Zelenskiy oʻzining tungi videomurojaatida Rossiya soʻnggi 24 soat ichida 90 ta boshqariluvchi bombalar bilan hujum uyushtirganini aytdi.

Shuningdek, u Ukraina kuchlari “Donetsk viloyatidagi ishgʻolchilarning hujum salohiyatini kamaytirishga muvaffaq boʻlganini”, ammo eng ommaviy hujumlarga uchragan hududlarda, Pokrovsk va Kuraxovo shaharlari yaqinida vaziyat ogʻirligicha qolayotganini aytdi.

Rossiya Mudofaa vazirligi oʻz kuchlari Kuraxovo sharqidagi Georgievka qishlogʻini egallab olganini maʻʻlum qildi.

Shu haftada Rossiya kuchlari Sumi viloyatining elektr tarmoqlariga bir nechta hujumlar uyushtirdi, baʻʻzi hududlarda elektr taʻʻminoti qisqartirildi, hokimiyatni zaxira energiya tizimlaridan foydalanishga majbur qildi.

Ukraina Energetika vazirligi havo hujumlari va texnologik sabablarga koʻra 10 ta hududda elektr taʻʻminotida uzilishlar boʻlganini maʻʻlum qildi.

Evropa Ittifoqi oʻzining xavotir belgisi sifatida Litvada yoqilgʻi bilan ishlaydigan elektr stantsiyasini Ukrainada qayta qurish uchun demontaj qilinayotganini va elektr energiyasi eksporti ham koʻpaytirilishini bildirdi.

BMTning Ukrainadagi Inson huquqlari monitoringi missiyasi Rossiyaning hujumlari xalqaro gumanitar huquqni buzganini, suv va issiqlik taʻʻminoti kabi muhim xizmatlarni xavf ostiga qoʻyganini hamda aholi salomatligi, taʻʻlim va iqtisodiyotga tahdid solayotganini maʻʻlum qildi.

Kievning qayd etishicha, energetika tizimini nishonga olish urush jinoyati hisoblanadi hamda Xalqaro jinoiy sud fuqarolik energetika infratuzilmasini bombalagani uchun toʻrt nafar rossiyalik amaldor va harbiy zobitlarni hibsga olishga order bergan.

Moskva esa energetika infratuzilmasi qonuniy harbiy nishon ekanini taʻʻkidlab, bu ayblovlarni ahamiyatsiz deb hisoblaydi.

Mavzuga aloqador

Eng ko‘p o‘qilgan

Tavsiya qilingan