Rossiya Ukrainadagi Grodovka qishlogʻi nazoratga olinganini maʻʻlum qildi
Rossiya Mudofaa vazirligi Ukrainaning Donetsk viloyatidagi Grodovka qishlogʻi
nazoratga olinganini maʻʻlum qildi. New York Times tahlilida Ukraina qoʻshinlari Rossiya armiyasini ogʻir
janglarda imkon qadar charchatish maqsadida sekin-asta Donbass shaharlaridan chekinayotgani
taʻʻkidlanadi.
"Markaziy
qoʻshinlar guruhi boʻlinmalarining qatʻʻiy harakatlari natijasida Donetsk Xalq
Respublikasining Grodovka aholi punkti ozod qilindi", deyiladi Rossiya
Mudofaa vazirligining "maxsus harbiy operatsiya" ning borishi haqidagi
hisobotida.
Oʻtgan haftada Rossiya Mudofaa vazirligi Ukraina armiyasi
nazoratida boʻlgan Ugledar shahri, soʻngra Ukrainaning Donetsk viloyatidagi Jelanne ikkinchi aholi
punkti nazoratga olingani haqida xabar bergan edi.
Ukraina qoʻshinlari Rossiya armiyasini ogʻir janglarda imkon
qadar charchatish maqsadida sekin-asta Donbass shaharlaridan chekinmoqda, biroq
bu taktika muvaffaqiyatli boʻladimi yo yoʻq — hozircha nomaʻʻlum, deb yozdi New
York Times Kievning harbiy strategiyasi tahlilida.
Mavzuga aloqador
-
Rossiya qoʻshinlari payshanba kuni Ukrainaning Sumi shahridagi qariyalar markazi va energetika sektoriga havo hujumlarini amalga oshirdi. Hujumlar natijasida bir kishi halok boʻlgan, 12 kishi yaralangan. Zelenskiy Rossiya soʻnggi 24 soat ichida 90 ta boshqariluvchi bombalar bilan hujum uyushtirganini maʻʻlum qildi.
-
Rossiya qoʻshinlari Ukraina sharqidagi Ugledar shahri, Ukraina harbiylarining Donetsk viloyatidagi strategik nuqtasi ustidan toʻliq nazorat oʻrnatdi. Ugledar 2022 yilda urush boshlanganidan beri Rossiyaning shiddatli hujumlariga dosh berdi va 2,5 yil davomida egallashga boʻlgan barcha urinishlariga qarshi kurashib kelayotgandi.
