Rishi Sunak bosh vazirlikdan isteʻʻfoga chiqishini bildirdi
Buyuk Britaniya bosh vaziri Rishi Sunak Konservativ partiyaning parlament saylovlarida magʻlubiyatga uchragani ortidan isteʻʻfoga chiqish niyati borligini maʻʻlum qildi. “Bu ishga bor kuchimni berdim, lekin siz Britaniya hukumati oʻzgarishi kerakligi haqida aniq signal yubordingiz”, - dedi u. Britaniya bosh vaziri, shuningdek, Konservativ partiya nomzodlari va xodimlaridan saʻʻy-harakatlari samarasizligi uchun uzr soʻradi.
Buyuk Britaniya
bosh vaziri Rishi Sunak Konservativ partiyaning parlament saylovlarida magʻlubiyatga
uchragani ortidan isteʻʻfoga chiqish niyati borligini maʻʻlum qildi.
“Tez
orada qirol janoblari bilan uchrashib, unga mamlakat bosh vaziri lavozimidan
isteʻʻfoga chiqishni taklif qilaman. Mamlakat uchun juda afsusda ekanligimni
aytmoqchiman. Bu ishga bor kuchimni berdim, lekin siz Britaniya hukumati oʻzgarishi
kerakligi haqida aniq signal yubordingiz. Va sizning hukmingiz – muhim boʻlgan
yagona narsa. Sizning gʻazabingiz va umidsizliklaringizni eshitdim hamda bu
yoʻqotish uchun toʻliq javobgarlikni oʻz zimmamga olaman", – dedi Sunak bir kun
avval mamlakatdagi saylovlardan soʻng soʻzga chiqar ekan.
Britaniya bosh vaziri, shuningdek, Konservativ partiya
nomzodlari va xodimlaridan saʻʻy-harakatlari samarasizligi uchun uzr soʻradi.
Sunak oʻz ishini sarhisob qilar ekan, Buyuk Britaniya kuchliroq
ekanini taʻʻkidladi.
“Mamlakatimiz 20 oy oldingiga qaraganda xavfsizroq va
kuchliroq ekanligiga ishonaman. 2010 yilga qaraganda esa ancha obod, adolatli va barqaror”, —
dedi u.
Britaniya bosh
vaziri saylovda Leyboristlar partiyasi bilan birgalikda gʻalaba qozongan raqibi
Key Starmerga ham muvaffaqiyatlar tiladi.
Eslatib
oʻtamiz, 4 iyulʻ, payshanba kuni Buyuk Britaniya jamoatlar palatasiga
saylovlar boʻlib oʻtdi. Unda Leyboristlar
partiyasi 33,8 foiz bilan 23,7 foiz ovoz toʻplagan Konservativlar partiyasining 14
yillik hukmronligiga barham berdi. Saylovlar natijasiga koʻra, 650 oʻrinli
Britaniya parlamentida 412 oʻrin Leyboristlar partiyasiga nasib qildi.
.png)
Mavzuga aloqador
-
50 nafarga yaqin janubiy afrikalik advokatlar Isroilning Falastindadagi jinoyatlarini qoʻllab-quvvatlayotgani uchun AQSh va Britaniya hukumatlarini sudga berishga tayyorlanmoqda. “AQSh qilgan jinoyatlari uchun javob berishi kerak”, - dedi tashabbus rahbari.
-
Faollar Britaniya hukumatining Isroilning Gʻazo sektoridagi harakatlariga nisbatan pozitsiyasiga norozilik sifatida fuqarolarni soliq toʻlashni toʻxtatishga chaqirmoqda. Mamlakatda 14 martdan buyon “Genotsid uchun soliq yoʻq” kampaniyasi oʻtkazilmoqda.
