Oʻzbekistonda materiallari tarqatilishi taqiqlangan sahifalar roʻyxati yangilandi

Din ishlari boʻyicha qoʻmita ekstremizm va terrorizm gʻoyalari bilan yoʻgʻrilgan deb topilgan va Oʻzbekistonga olib kirish, tayyorlash, tarqatish va namoyish etish taqiqlangan Telegram, YouTube kanallar, Facebook, Instagram, TikTok sahifalar va saytlar roʻyxatini yangiladi.

Oʻzbekiston Din ishlar boʻyicha qoʻmitasi Oliy sud tomonidan ekstremizm va terrorizm gʻoyalari bilan yoʻgʻrilgan deb topilgan mamlakatga olib kirish, tayyorlash, tarqatish va namoyish etish taqiqlangan materiallar roʻyxatini eʻʻlon qildi.

2024 yil 10 yanvarʻ holatiga koʻra, roʻyxatdan Telegram, YouTube kanallar, Facebook, Instagram, “Odnoklassniki”, TikTok sahifalar, shuningdek, saytlar va turli tarmoqlardagi audio, video, matn shaklidagi materiallar, shu jumladan, kitob va nashidlar oʻrin olgan.

Diniy qoʻmita ushbu roʻyxatdagi sahifa va kanal materiallariga «Yoqdi» (Like) bosmaslik va ularni ulashmaslik, duch kelgan kitob, maqola va elektron ilovalarni yuklab olmaslik hamda tarqatmaslikka chaqirgan.