Putin xodimlar tanqisligini mehnat muhojirlari hisobidan qoplashni taqiqladi
Rossiya prezidenti Vladimir Putin yaqin yillarda mamlakatda xodimlar va malaka etishmasligi muammosi kuzatilishini maʻʻlum qildi. U mehnat bozorida yaqinlashib kelayotgan xodimlar tanqisligini past malakali muhojirlar hisobidan qoplashni taqiqladi. "Bizga boshqa yondashuvlar kerak", - dedi Rossiya prezidenti.
Rossiya
prezidenti Vladimir Putin Rossiya mehnat bozorida yaqinlashib kelayotgan kadrlar
taqchilligini xorijlik past malakali ishchi kuchidan foydalanish hisobiga qoplashga
yoʻl qoʻyilmasligiga ishora qildi, deya xabar bermoqda Islam News.
Davlat
rahbarining soʻzlariga koʻra, yaqin yillarda Rossiyada kadrlar va malaka
etishmasligi kutiladi. Bunday kamomadni past malakali mehnat muhojirlari
qoplaydigan yondashuvni Putin notoʻgʻri deb atab, bu muammoni hal qilishda yordam
bermasligini taʻʻkidladi.
"Bizga boshqa yondashuvlar kerak", - dedi Rossiya prezidenti.
Avvalroq
ishgʻol qilingan Qrimda transport, ishlab chiqarish, IT, sport, dam olish va boshqa
sohalarda chet el fuqarolarining ishlashi taqiqlangan
edi. Shuningdek, Novosibirsk, Samara va Yoqutistonda ham bir qator sohalar mehnat
muhojirlari uchun “yopildi”.
Shuningdek,
“Krokus Siti Xoll”dagi fojiadan soʻng rossiyaliklarning 55-60 foizi mehnat
muhojirlariga nisbatan “aniq salbiy” fikrga kelgani maʻʻlum boʻldi. Sakkiz oy muqaddam bu
koʻrsatkich 40 foizni tashkil etgandi.
.png)
Mavzuga aloqador
-
Rossiyada taksi haydovchilari etishmayotgani sababli kompaniyalar muhojirlarni ishga qaytishlariga ruxsat soʻramoqda.
-
Rossiya Mehnat va aholini ijtimoiy muhofaza qilish vazirligi chet ellik ishchilarni maqsadli, tashkiliy yollash uchun jamoat yuridik kompaniyasini yaratishni hamda uning mexanizmini rossiyalik ish beruvchilar foydasiga takomillashtirishni taklif qilmoqda.
