Polʻshada muhojirlarga qarata oʻq otishga ruxsat berildi

Polʻsha deputatlari koʻpchilik ovoz bilan harbiylar va chegarachilarga Belarusdan mamlakatga noqonuniy yoʻl bilan oʻtmoqchi boʻlgan muhojirlarga haqiqiy oʻqlardan otish imkonini beruvchi yangi qonunni qabul qilishdi. Qonun oʻtgan haftada muhojir Belarus hududidan turib uloqtirgan nayzadan halok boʻlgan polʻshalik chegarachining fojiali oʻlimi ortidan qabul qilindi.

 

Polʻsha deputatlari koʻpchilik ovoz bilan harbiylar va chegarachilarga Belarusdan mamlakatga noqonuniy yoʻl bilan oʻtmoqchi boʻlgan muhojirlarga haqiqiy oʻqlardan otish imkonini beruvchi yangi qonunni qabul qilishdi.

Qonun oʻtgan haftada muhojir Belarus hududidan turib uloqtirgan nayzadan halok boʻlgan polʻshalik chegarachining fojiali oʻlimi ortidan qabul qilindi.

Polʻsha Seymida qonun qabul qilinishi uchun 401 nafar parlamentariy ovoz berdi, faqat 17 nafari qarshi chiqdi.

Yangi qonun qurol olib yurgan ofitserlarni “davlat chegarasi yaxlitligiga noqonuniy hujum” paytida huquqni muhofaza qilish organlari xodimlarining “hayoti, sogʻligʻi va erkinligi” xavf ostida boʻlganida, oʻzini himoya qilish yoki “oldini olish” maqsadida foydalansa, javobgarlikdan ozod qiladi.

Shanba kuni Polʻsha askarlari va chegarachilari yana koʻp sonli noqonuniy muhojirlar bilan bogʻliq mojaroga duch kelishdi. Polʻsha ommaviy axborot vositalarida tarqalgan videotasvirlarda harbiylar qalqon ortida mudofaa chizigʻini tashkil qilgani, muhojirlar guruhlari yigirma metr narida turgani aks etgan. Muhojirlardan biri chegarachilar tomon nayza uloqtirgan, chegarachilar esa ularga qarata elektroshok snaryad irgʻitgan.

Amnesty International tashkiloti yangi qonunni tanqid qilib, bu xavfli oqibatlarni keltirib chiqarishi mumkinligini qayd etdi.

Polʻsha-Belarus chegarasini buzib oʻtishga urinayotgan qochqinlar asosan Iroq, Afgʻoniston, Yaqin Sharq va Afrika davlatlaridan. Ularning soni muttasil oʻsib bormoqda - 2023 yilda qoʻshni Belarusdan Polʻshaga 26 mingga yaqin muhojir kelgan. Bu 2022 yilga nisbatan qariyb 10 mingtaga koʻpdir.

Mavzuga aloqador

Eng ko‘p o‘qilgan

Tavsiya qilingan