Pokistonda jangarilar hujumi natijasida 73 kishi halok boʻldi
Pokiston shimoli-gʻarbida jangarilar Panjob-Balujiston yoʻlida tinch aholiga, shuningdek, politsiya boʻlimlari, harbiy baza va temir yoʻlga hujum qildi, deb xabar bermoqda Reuters.
Balujiston
poytaxtini Pokistonning qolgan qismi bilan bogʻlagan temir yoʻl koʻprigi portlatib
yuborildi, natijada 6 kishi halok boʻldi. Pokistonni Eron bilan bogʻlovchi temir yoʻl
liniyalari ham shikastlangan.
Bunga
javoban xavfsizlik kuchlari aksilterror amaliyotlarini boshladi. Soʻnggi
maʻʻlumotlarga koʻra, ayirmachilar bilan toʻqnashuv oqibatida eng kamida 73 kishi
halok boʻlgan. Ularning 38 nafari tinch aholi vakillari, 14 nafari harbiy
va politsiyachilar, 21 nafari jangarilardir.
"Ushbu hujumlardan maqsad Pokistonni
beqarorlashtirish", dedi mamlakat
ichki ishlar vaziri Mohsin Naqvi.
Hujumlar uchun masʻʻuliyatni “Belujiston ozodlik armiyasi” boʻlginchi terror tashkiloti
oʻz zimmasiga oldi.
Eron bilan chegaradosh Balujiston viloyati tabiiy boyliklarning
koʻpligiga qaramay, Pokistondagi eng qashshoq hudud hisoblanadi. Xitoy Balujistonda oltin va mis qazib oladi.
Eronning Sistan va Balujiston viloyatida ham balujlar orasida ayirmachilik
kayfiyati kuchli va tez-tez teraktlar sodir boʻladi.
Mavzuga aloqador
-
Pokiston 25 nafar harbiy xizmatchi halok boʻlgani va 27 jangari zararsizlantirilgani haqida xabar berdi.
-
8 fevralʻ kuni Pokiston qonun chiqaruvchi organi – Milliy Assambleya va viloyat kengashlarga boʻlib oʻtgan saylovlar chogʻida mamlakat boʻylab 51 ta terror hujumi uyushtirildi. Hodisalarda 12 kishi, jumladan, 2 nafar tinch aholi vakili halok boʻldi, 39 nafar huquq‑tartibot organi xodimi jarohatlandi.
