Pokiston Afgʻonistonning chegaradagi qishloqlariga hujumi uyushtirdi: 2 kishi halok boʻldi
Illyustrativ foto
Pokiston harbiylari Afgʻonistonning chegaradon Torxam shahrini minomyotlar bilan oʻqqa tutdi. Natijada ona va uning bolasi halok boʻldi, yana bir kishi jarohatlandi. Hujumga javoban “Tolibon” ham Pokistonning chegaradagi postlarini bombardimon qildi.
Afgʻoniston-Pokiston
chegarasida «Tolibon» harakati aʻʻzolari va pokistonlik harbiylar oʻrtasidagi
toʻqnashuvlar natijasida ikki kishi halok boʻldi, bir kishi yaralandi. Bu
haqda Etilaatroz gazetasi manbasiga tayanib xabar berdi.
Nashr
maʻʻlumotlariga koʻra, Afgʻonistonning Torxam shahri chegarasida Pokistondan otilgan
minomyot snaryadining
turar-joy binosiga tushishi natijasida ikki nafar tinch aholi – ona va bola halok boʻlgan.
Avvalroq gazeta Tolibon va Pokiston qurolli kuchlari
oʻrtasidagi toʻqnashuvlar sababli chegaradagi Torxam nazorat-oʻtkazish punkti
yopilgani haqida xabar bergan edi. Nashrning yozishicha, Pokiston armiyasi Tolibon
nishonlariga oʻt ochgan. Hujum
ortidan Afgʻoniston Islom Amirligiga aloqador armiya kuchlari Pokistonning
chegaradagi postlarini bombardimon qildi, toʻqnashuvlar hamon davom etmoqda.
Tolibon va Pokiston hukumati vakillari voqea yuzasidan izoh
bergani yoʻq.
Mavzuga aloqador
-
Pokiston harbiylari Afgʻoniston hududida “Hofiz Gul Bahodur” guruhi jangarilariga qarshi aksilterror amaliyotlarini oʻtkazdi.
-
Pokistonning Balujiston viloyatida bir guruh sapyorlar jangarilar hujumiga uchradi. Natijada ikki harbiy halok boʻldi, toʻrt nafari jarohatlandi. Yil boshidan buyon mamlakatning ikkita viloyatida 200 dan ziyor qoʻporuvchilik harakati sodir etilib, 281 nafar tinch aholi vakillari va xavfsizlik xodimlari halok boʻldi. 48 ta aksilterror amaliyoti davomida esa 151 nafar jangari zararsizlantirildi.
