Peskov: Rossiya aktivlarini musodara qilmoqchi boʻlganlarni oʻz holiga qoʻymaymiz

Buni qilmoqchi boʻlganlar Rossiya ularni hech qachon oʻz holiga qoʻymasligini tushunishlari kerak, dedi Kremlʻ vakili

Rossiya aktivlarini musodara qilish mavzusi "jahon moliya tizimi uchun oʻta xavfli". Bu haqda jurnalistlarga Rossiya prezidenti matbuot kotibi Dmitriy Peskov maʻʻlum qildi.

“Turli aktivlarimizni noqonuniy musodara qilish masalasi Evropada ham, Amerikada ham doimiy kun tartibida. Potentsial jihatdan, bu mavzu, birinchidan, qabul qilib boʻlmaydigan, potentsial jihatdan jahon moliya tizimi uchun oʻta xavflidir, chunki bunday rejalar amalga oshirilsa, bu xalqaro moliya tizimining butun koordinata tizimiga juda jiddiy zarba boʻladi", - deya rus matbuoti Peskovning soʻzlaridan iqtibos keltirmoqda.

Kremlʻ vakilining taʻʻkidlashicha, "buni boshlashga harakat qilayotganlar va amalga oshiruvchilar Rossiya Federatsiyasi ularni hech qachon oʻz holiga qoʻymasligini tushunishlari kerak". "U doimiy ravishda xalqaro, milliy va boshqa huquqiy daʻʻvo qilish huquqidan foydalanadi", - dedi u.

Peskovning soʻzlariga koʻra, Evropa va AQSh Rossiya aktivlarining noqonuniy musodara qilinishi “uning tashabbuskori va amalga oshirganlari uchun huquqiy oqibatlarga olib kelishini” yaxshi biladi. “Agar kimdir bizdan biror narsani olib qoʻysa, javoban biz nimani musodara qilishimizni koʻramiz. Va agar biror narsa topilsa, biz, albatta, buni darhol qilamiz”, - deya vaʻʻda qildi u.

Avvalroq Oq uy evropalik hamkorlar bilan Ukrainani tiklash masalasida Rossiyaning muzlatilgan aktivlaridan foydalanish ehtimollarini muhokama qilayotgani haqida xabar bergan edi.

Shuningdek, Germaniya Frankfurtdagi Rossiya bankiga tegishli 780 mln dollardan ortiq aktivlarni mustaqil musodara qilish uchun sudga daʻʻvo kiritganini yozgandik.

Mavzuga aloqador

Eng ko‘p o‘qilgan

Tavsiya qilingan

Reklama