Nigeriyada yoqilgʻi tankeri portlashi oqibatida halok boʻlganlar soni 181 kishiga etdi

Nigeriya shimolida yoqilgʻi tashuvchi yuk mashinasining portlashi natijasida halok boʻlganlar soni 181 nafarga etdi, yana 80 kishi kasalxonalarda qolmoqda. Hodisaga haydovchining tezlikni oshirishi sabab boʻlgan. Halok boʻlganlar esa tankerdan toʻkilgan yoqilgʻini yigʻib olmoqchi boʻlganlardir.

Nigeriya shimolidagi Jigava shtatida yoqilgʻi tashuvchi yuk mashinasi portlashi oqibatida halok boʻlganlar soni 181 kishiga etdi. Bu haqda Jigava shtati gubernatori Umar Namadi prezident Bola Ahmad Tinubu bilan uchrashuvdan soʻng jurnalistlarga maʻʻlum qildi.

Namadining aytishicha, portlashda yaralangan 80 kishi hamon kasalxonada. Hodisadan 210 oila jabrlandi.

Eslatib oʻtamiz, Majia tumanidagi Kano-Xadeja trassasida 16 oktyabrʻ kuni yoqilgʻi tashuvchi tashuvchi portlash sodir boʻlgan.

Qayd etilishicha, haydovchi belgilangan tezlikni oshirib yuborishi natijasida boshqaruvni yoʻqotgan va tanker agʻdarilib ketgan.

Mahalliy aholi agʻdarilib ketgan mashinadan toʻkilayotgan yoqilgʻini yigʻib olayotganida yuk mashinasida portlash sodir boʻlgan va koʻpchilik kuyish oqibatida halok boʻlgan.

Hodisadan keyin prezident Bola Ahmed Tinubu butun mamlakat boʻylab yoqilgʻi tashish xavfsizligi qoidalarini har tomonlama koʻrib chiqishni talab qildi.