Nigeriyada choʻponlar va dehqonlar toʻqnashuvida 48 kishi halok boʻldi

Nigeriyaning markaziy Plato shtatida chorvadorlar va fermerlar oʻrtasida besh kundan buyon davom etayotgan toʻqnashuvlarda besh kun ichida 48 kishi halok boʻldi. Toʻqnashuvlar chorma mollarining oʻgʻirlangani sababli boshlangan. Mojaro vaqtida 6 ta masjid va 2 ta cherkov yoqib yuborilgan.

Nigeriyaning markaziy Plato shtatida chorvadorlar va dehqonlar oʻrtasidagi toʻqnashuvlarda besh kun ichida 48 kishi halok boʻldi. Mangu shahridagi toʻqnashuvlar besh kundan beri davom etmoqda.

Toʻqnashuvlarda Fulani (asosan musulmonlar) va Mvagaful etnik guruhlari ishtirok etgan. Ular shtat gubernatori 24 soatlik komendantlik soati joriy qilganiga qaramay, resurslar (er va suv)dan foydalanish borasida kelisha olmayapti. Toʻqnashuvlar vaqtida 6 ta masjid va 2 ta cherkov ham yoqib yuborilgan.

Mangu maʻʻmuriyati rahbari Markus Artuning soʻzlariga koʻra, yuzlab mahalliy aholi vahima ichida uylarini tashlab ketishgan.

Nigeriya quruqlik qoʻshinlari qoʻmondoni Taoriid Lagbaja Platoga qoʻshinlar yuborilgani va tinchlik oʻrnatish uchun barcha zarur choralar koʻrilayotganini maʻʻlum qildi.

Nigeriya Qizil Xoch tashkilotining Mangudagi mintaqaviy idorasi rahbari Nurudiyn Husani Magajining aytishicha, hududda lagerʻ tashkil etilgan boʻlib, 1500 ga yaqin odam toʻqnashuv zonasidan evakuatsiya qilingan.

Plato gubernatori Jaleb Mutfvang janglar tufayli Manguda 24 soatlik komendantlik soati eʻʻlon qildi.

Mojaroga chorva mollarining oʻgʻirlangani sabab boʻlgani aytilmoqda. Guvohlarning soʻzlariga koʻra, qurollangan oʻgʻrilar Fulani jamoasiga tegishli chorva mollarini oʻgʻirlamoqchi boʻlganidan keyin boshlangan.

Nigeriyada oxirgi marta Rojdestvo kuni uyushtirilgan hujum natijasida zoʻravonliklar toʻlqini vujudga kelgan, oqibatda kamida 140 kishi halok boʻlgandi.

Nigeriyaning Plato shtati shimolidagi yassi togʻlarda asosan musulmonlar, janubida esa nasroniylar istiqomat qiladi.

Mavzuga aloqador

Eng ko‘p o‘qilgan

Tavsiya qilingan