Netflix Falastin haqidagi filʻmlarni olib tashladi

Netflix platformasi Falastin hayotiga bagʻishlangan filʻmlar boʻlimidagi 30 dan ziyod asarni oʻchirib yubordi. Oʻqirilganlar orasida May Masrining qochqinlar lageridagi hayot tasvirlangan "Shatilaning bolalari" va Basil Xalilning isroillik koʻchmanchi oilaga yordam berayotgan falastinlik rohibalar haqidagi "Ave Mariya" satirik qisqa metrajli filʻmi mavjud.

Eng mashhur striming xizmatlaridan biri boʻlgan Netflix ilgari Falastin haqidagi filʻmlar uchun maxsus toifaga ega boʻlib, unda oila, matonat va ishgʻol ostidagi hayot haqida 30 dan ortiq hujjatli filʻmlar mavjud edi.

13-14 oktyabrʻ holatiga koʻra, "Falastin hikoyalari" boʻlimidagi deyarli barcha 32 ta video yoʻq qilingan, faqat ikkitasigina onlaynda qolgan, bu esa inson huquqlari tashkilotlari va ijtimoiy tarmoq foydalanuvchilarining jiddiy noroziligiga sabab boʻldi.

Falastin bilan bogʻliq filʻmlar sionistik lobbi tashkilotlarining tazyiqi tufayli oʻchirib tashlangani haqida shubhalar mavjud.

Faollar Netflix'dan toʻplamni qaytarishni talab qilib, uning kutilmaganda olib tashlanishining sabablarini va motivlarini soʻroq ostiga olishdi.

Freedom forward huquqni himoya qilish guruhi oʻz maktubida shunday deb soʻradi: "Netflix dunyodagi siyosiy jihatdan chetlashtirilgan jamoalardan biri boʻlgan falastinliklar tomonidan suratga oilngan yoki ular haqida hikoya qiluvchi juda koʻp filʻmlarning olib tashlanishini qanday oqlaydi, ayniqsa, falastinliklar Gʻazoda genotsidga duch kelayotgan bir paytda?"

Sionistik lobbi 2021 yil oktyabrʻ oyida Netflix Falastin haqidagi filʻmlarni alohida bir toʻplamga qoʻshganidan soʻng bunga qarshi kampaniyani boshlagan edi.

Isroil ommaviy axborot vositalariga koʻra, oʻta oʻng qanot Isroil kuzatuvchisi Im Tirtzu Netflix'ning "Falastin hikoyalari" toʻplamini tanqid qilib, namoyish etilgan 19 nafar kinoijodkordan 16 nafari "Isroil"ga qarshi “Boykot, Divestment va Sanktsiyalar” (BDS) kampaniyasini qoʻllab-quvvatlashini daʻʻvo qilgan.

Netflix bu harakatga javoban badiiy "erkinlik va butun dunyodan haqiqiy hikoya aytish"ni qoʻllab-quvvatlashini taʻʻkidlab, toʻplam Falastin tajribasining "chuqurligini koʻrsatish," "odamlarning hayotini, orzularini, oilalarini, doʻstligini va sevgisini oʻrganish"ni maqsad qilganini bildirgandi.

Avvaliga turli xil hikoyalarga sodiqligini eʻʻlon qilgan Netflix endilikda oʻz strategiyasini sekin-asta oʻzgartirgan koʻrinadi.

Falastin tarafdori boʻlgan CODEPINK ijtimoiy adolat tashkiloti oqim gigantining harakatini tanqid qilib, buni "falastinliklarning hikoyalari va nuqtai nazarlarini ommaviy madaniyatdan soʻzma-soʻz oʻchirib tashlash" deb atadi.

Bayonotda aytilishicha, ushbu harakat “keng auditoriyaning Isroilning shafqatsiz istilosi, aparteidi, etnik tozalashi va hozirda falastinliklarga nisbatan amalga oshirayotgan genotsidi haqiqatini tushunishiga toʻsqinlik qiladi”.

Mashhur (hozir oʻchirilgan) filʻmlar orasida May Masrining ikki bola nigohidan qochqinlar lageridagi hayotni tasvirlaydigan "Shatilaning bolalari" va Basil Xalilning isroillik koʻchmanchi oilaga yordam berayotgan falastinlik rohibalar haqidagi "Ave Mariya" satirik qisqa metrajli filʻmi mavjud.