Netanyaxu Xalqaro sudning Gʻazo boʻyicha qarorini rad etadi

Isroil BMT Xalqaro Sudining Gʻazo sektoridagi genotsid daʻʻvosida vaqtinchalik choralar koʻrish haqidagi qarorini rad etadi. Bu haqda Isroil bosh vaziri Benʻyamin Netanyaxu maʻʻlum qildi.

“Barcha davlatlar singari Isroil ham oʻzini himoya qilish huquqiga ega. Ushbu asosiy huquqni inkor etishga har qanday urinish yahudiy davlatiga qarshi ochiq-oydin kamsitishdir va biz haqli ravishda rad etamiz. Isroilga genotsid aybini qoʻyish nafaqat notoʻgʻri, balki hayratga soladi va barcha vijdonli odamlar buni rad etishlari kerak”, — dedi bosh vazir videomurojaatida.

Uning soʻzlariga koʻra, "Isroilning xalqaro huquqqa sodiqligi buzilmas". "Ammo bizning mamlakatimiz va xalqimizni himoya qilishda davom etish boʻyicha muqaddas majburiyatimiz ham xuddi shunday sobit", - deya qoʻshimcha qildi u.

Hukumat rahbari Isroil “Falastin tinch aholiga zarar etkazmaslik uchun barcha imkoniyatlarni ishga solib, HAMASdan himoyalanishda” davom etishini aytdi.

Netanyaxu vazirlarni Xalqaro sud qaroriga izoh bermaslikka chaqirdi

Isroil bosh vaziri Benʻyamin Netanyaxu hukumat aʻʻzolaridan Xalqaro sudning Gʻazo sektoridagi genotsid haqidagi qaroriga izoh bermaslikni soʻradi. Bu haqda Isroilning “KAN” davlat telekanali xabar berdi.

Isroil milliy xavfsizlik va mudofaa vazirlari Xalqaro sudni «antisemitizm»da aybladi

Isroil milliy xavfsizlik vaziri Itamar Ben-Gvir, oʻz navbatida, Xalqaro sudni «antisemitizm»da aybladi.

"Gaagadagi antisemitizm sudining qarori allaqachon maʻʻlum boʻlgan narsani isbotlaydi: bu sud adolat izlamaydi, uning maqsadi yahudiy xalqini taʻʻqib qilishdir", dedi oʻta oʻng siyosatchi.

Uning soʻzlariga koʻra, Xalqaro sud "Xolokost haqida sukut saqladi va bugun yana bir ikkiyuzlamachi qadam tashladi".

Isroil mudofaa vaziri Yoav Gallant ham Xalqaro sudni «antisemitizm»da aybladi.

Uning soʻzlariga koʻra, vaqtinchalik choralar toʻgʻrisidagi qarorni qabul qilish bilan Xalqaro sud “oʻz ramkasi”dan kutilgandan ham koʻra koʻproq chiqqan.

"Isroil davlatiga Gʻazo sektoridagi terrorchilar va tinch aholi oʻrtasiga chegara chizish boʻyicha aql oʻrgatishlari kerak emas", - dedi Gallant.

“Isroil davlati 7 oktyabrni unutmaydi – Isroil armiyasi va xavfsizlik kuchlari HAMAS terrorchilik tashkilotining siyosiy va harbiy salohiyatini yoʻq qilish hamda garovga olinganlarning oʻz uylariga qaytishiga erishish maqsadida harakat qilishda davom etadi”, — deya qoʻshimcha qildi vazir.

Eslatib oʻtamiz, 26 yanvarʻ kuni Gaagadagi BMT Xalqaro sudi JARning Gʻazo sektorida Isroil tomonidan amalga oshirilayotgan xunrezliklar tufayli BMTning Genotsid toʻgʻrisidagi konventsiyasi talablarini buzganlik aybi boʻyicha Isroilga qarshi daʻʻvosi asosida qoʻzgʻatilgan ish doirasida genotsid gumoni tufayli Isroilga qarshi vaqtinchalik choralar toʻgʻrisida qaror qabul qildi.