Netanyaxu ayrim arab etakchilari uni qoʻllab-quvvatlayotganini tan oldi
Isroil bosh vaziri Benʻyamin Netanyaxu ayrim arab etakchilari uni qoʻllab-quvvatlashini tan olib, ular Rafahga hujumni ham maʻʻqullashlarini taʻʻkidladi. "Ular buni [Rafahga hujumni] tushunishadi va hatto jimgina rozi boʻlishadi", dedi u.
Isroil bosh
vaziri Benʻyamin Netanyaxu yaqinda AQSh prezidenti Rafahni “qizil chiziq” deb ataganiga
qaramay, Gʻazo sektorining janubiy chegarasidagi Rafah shahriga bosqinni davom
ettirish niyatida ekanini aytdi.
“Biz u erga
boramiz. Bilasizmi, menda qizil chiziq bor. Qizil chiziq nima ekanligini
bilasizmi? Bu 7 oktyabrning
boshqa takrorlanmasligi.
Bu boshqa hech qachon sodir boʻlmaydi”, - deya
javob berdi Netanyaxu.
Isroil bosh vaziri ismlarini aniq tilga olmagan holda bir
qancha arab etakchilarining uni
qoʻllab-quvvatlashini, ular qamal ostidagi Falastinning Rafah shahriga
hujumni ham soʻzsiz
dastaklashini qoʻshimcha qildi.
"Ular buni tushunishadi va hatto jimgina rozi boʻlishadi, - dedi u Axel Springer nashri bilan suhbatda. - Ular HAMAS Eron terrorchilik oʻqining bir
qismi ekanligini tushunishadi”.
Eslatib
oʻtamiz, avvalroq AQSh prezidenti Jo Bayden Rafahni “qizil chiziq” deb atab, u
erda mojaroning kuchayishiga qarshi ekani va Gʻazo sektorida 30 mingdan ziyod
falastinlikning oʻlimini qabul qila olmasligini taʻʻkidlagan edi.
.png)
Mavzuga aloqador
-
Isroil havo, quruqlik va dengizdan turib Gʻazoning Misr bilan chegarasidagi Rafah shahriga uyushtirgan hujumlarida 100 dan ortiq kishining halok boʻlgani, yuzlab kishining yaralangani maʻʻlum qilindi.
-
AQSh prezidenti Jo Bayden Isroilning 1,3 milliondan ortiq falastinliklar boshpana topgan Gʻazoning Rafah shahriga ehtimoliy bostirib kirishi uning “qizil chizigʻi” ekanini, biroq ushbu davlatga qurol-yarogʻ etkazib berishni toʻxtatmoqchi emasligini taʻʻkidladi.
