Malida «Vagner» XHK otryadiga hujum qilindi: 12 asir, 53 qurbon

Malida jangarilar Rossiyaning “Vagner” xususiy harbiy kompaniyasi otryadiga hujum uyushtirdi. XHK bayonotida aytilishicha, jang 5 kun davom etgan va oxirgi xabarnomada uch kishi qarshilik koʻrsatayotgani bildirilgan. Manbalar 12 nafar harbiy asirga olingani, 53 nafari oʻldirilganini maʻʻlum qildi. Xususan, Prigojinning oʻrinbosari, uning oʻlimidan soʻng XHKga rahbarlik qilgan Anton Elizarovning ham asirga olingani aytildi.

Malida jangarilar Rossiyaning “Vagner” xususiy harbik kompaniyasi harbiy qismiga hujum qilishi natijasida koʻp sonli yollanma askarlar halok boʻlgan, ayrimlari asirga olingan. Bu haqda guruhning “Razgruzka Vagnera” telegram kanalida eʻʻlon qilingan bayonotida aytiladi.

Qayd etilishicha, besh kun davom etgan shiddatli toʻqnashuvlar 22 iyulʻ kuni Tin Zautin yaqinida boshlangan. Azavad muvofiqlashtiruvchi harakati (SMA) va Saheldagi Al-Qoida (JNIM) terrorchilik guruhi FAMa (Mali Qurolli Kuchlari) askarlari hamda qoʻmondon Sergey Shevchenko (“Prud” laqabli, jangda halok boʻlgan) boshchiligidagi “Vagner”ning 13-hujum otryadi jangchilariga qarshi hujumda ming nafar jangari ishtirok etgan.

Bayonotda aytilishicha, dastlab Shevchenko guruhi dushman hujumiga muvaffaqiyatli qarshilik koʻrsata olgan, u jiddiy yoʻqotishlarga uchrab, orqaga chekingan. Biroq qum boʻroni sharoitida jangarilar qayta toʻplanib, sonini oshirishga muvaffaq boʻlgan. Ular, shuningdek, ogʻir qurollar, uchuvchisiz uchoqlar va xudkushlik vositalaridan foydalangan holda XHK pozitsiyalariga ommaviy hujumlarni kuchaytirgan. Bu "Vagner va FAMa askarlarining yoʻqotishlariga olib kelgan.

"”Vagner” guruhidan soʻnggi radiogramma 27 iyulʻ kuni soat 17:10 da keldi: "Uchchalamiz qoldik, jangni davom ettiryapmiz", - deya xabar yuborgan guruh. Vagnerchilar oʻlganlarning aniq sonini keltirmagan, biroq “Eni Shafaq” nashri 53 nafar yollanma askari halok boʻlgani, 12 nafari asirga olinganini maʻʻlum qildi.

Shuningdek, “Vagner” XHK asoschisi va sobiq rahbari, samolyot halokatida halok boʻlgan Evgeniy Prigojinning oʻrinbosari, ayni  paytda XHK etakchisi hisoblangan Anton Elizarov ham asirga tushgani, biroq keyinchalik tezkor ravishda qoʻyib yuborishgani maʻʻlum qilindi. Ushbu xabar oʻz tasdigʻini topmagan.

Mavzuga aloqador

Eng ko‘p o‘qilgan

Tavsiya qilingan