Burkina-Faso, Mali va Niger konfederatsiyaga birlashadi
Gʻarbiy Afrikaning uchta davlati – Burkina-Faso, Mali va Niger hukumati Sahel davlatlari ittifoqi konfederatsiyasini tuzish toʻgʻrisidagi bitimni imzoladi. Yanvarʻ oyida ushbu uch mamlakat Gʻarbiy Afrika Davlatlari Iqtisodiy Hamjamiyatini (ECOWAS) “xorijiy kuchlar taʻʻsirida” ayblab, zudlik bilan tark etishga qaror qilgandi.
6 iyulʻ, shanba kuni kechqurun Gʻarbiy Afrikaning uchta davlati – Burkina-Faso, Mali va Niger hukumati Sahel davlatlari ittifoqi konfederatsiyasini tuzish toʻgʻrisidagi bitimni imzoladi. Bu haqda Agence France-Presse ushbu davlatlar rahbarlari bayonotiga tayanib xabar berdi.
Imzolash marosimi Niger poytaxti Niamey shahrida boʻlib oʻtgan Sahel davlatlari ittifoqining birinchi sammiti yakunlari boʻyicha boʻlib oʻtdi, unda uch davlat rahbarlari ishtirok etdi.
Hujjatga koʻra, mazkur davlatlar yagona investitsiya banki va barqarorlashtirish jamgʻarmasini tuzadi, diplomatik saʻʻy-harakatlarini muvofiqlashtiradi, qishloq xoʻjaligi, qayta ishlash sanoati va energetika sohalarida qoʻshma loyihalar uchun resurslarni birlashtiradi.
Shuni taʻʻkidlash joizki, bu mamlakatlarning barchasida hokimiyat davlat toʻntarishini amalga oshirgan harbiy xuntalar qoʻlida.
Eslatib oʻtamiz, 2024 yil 28 yanvarda Burkina-Faso, Mali va Niger Gʻarbiy Afrika Davlatlari Iqtisodiy Hamjamiyatini (ECOWAS) “xorijiy kuchlar taʻʻsirida” ayblab, zudlik bilan tark etishga qaror qilgandi.
Mavzuga aloqador
-
Ispaniya, Norvegiya va Irlandiya Falastinni rasman tan olganidan keyin Daniya parlamenti qarama-qarshi qaror qabul qildi. Buni Falastinni davlat sifatida tan olish toʻgʻrisidagi qonun loyihasini zarur shartlar yoʻqligi bilan izohlagan.
-
Evropa Ittifoqining tashqi ishlar va xavfsizlik siyosati boʻyicha oliy vakili Jozef Borrelʻ EI davlatlari Ukrainaga vaʻʻda qilingan 1 million dona snaryadni etkazib berolmasligini tan oldi. Uning taʻʻkidlashicha, Evroittifoq oʻq-dorilar ishlab chiqarishni sezilarli darajada oshirgan, ammo ular armiyamiz zaxirasini toʻldirishga hali etmaydi.
