Malayziya Isroilni BMTdan chiqarib yuborish toʻgʻrisidagi rezolyutsiyasi ustida ishlamoqda

Malayziya “Falastin bilan bogʻliq masalalarda qonunlar, qoidalar va qarorlar buzilgan boʻlsa” Isroilni jahon tashkilotidan chiqarib yuborish taklifni oʻz ichiga olgan rezolyutsiyani ishlab chiqmoqda. “Bu Isroil rejimining vahshiyliklarini toʻxtatib, Falastin xalqiga hayotiy yordam etkazilishiga xizmat qiladi”, - deya taʻʻkidladi mamlakat bosh vaziri Anvar Ibrohim.

Malayziya bosh vaziri Anvar Ibrohimning maʻʻlum qilishicha, uning mamlakati BMT Bosh Assambleyasi uchun Isroilni tashkilot aʻʻzoligidan mahrum etish koʻzda tutilgan rezolyutsiya loyihasini tayyorlamoqda. Rezolyutsiyada “Agar Falastin bilan bogʻliq masalalarda qonunlar, qoidalar va qarorlar buzilgan boʻlsa” Isroilni jahon tashkilotidan chiqarib yuborish taklif etiladi.

Dushanba kuni Anvar Ibrohim parlamentdagi chiqishida rezolyutsiya loyihasi hozirda muhokama qilinayotgani va tez orada BMT Bosh Assambleyasiga tasdiqlash uchun taqdim etilishi kutilayotganini aytdi.

“Biz Isroil xalqaro qonunlarni buzsa, uni BMTdan chiqarib yuborish imkoniyatini oʻrganyapmiz”, dedi Malayziya bosh vaziri.

Anvar Ibrohimga koʻra, inson huquqlarini buzayotgani uchun Isroilning BMTdan chiqarib yuborilishini oʻz ichiga olgan hal qiluvchi choralar imkon qadar tezroq koʻrilishi kerak.

“Malayziya kun tartibi tinglanishi va tegishli eʻʻtiborga olinishini taʻʻminlaydi. Bu Isroil rejimining vahshiyliklarini toʻxtatib, Falastin xalqiga hayotiy yordam etkazilishiga xizmat qiladi”, — deya qoʻshimcha qildi u.

Ushbu qaror xalqaro miqyosda Isroilning oʻz nazorati ostidagi hududlarda BMTning Yaqin Sharqdagi Falastinlik Qochqinlarga yordam va Ishlar Agentligi (YuNRVA) faoliyatini taqiqlash qarorini qoralash kuchayib borayotgan bir paytda amalga eʻʻlon qilindi.

U, shuningdek, rezolyutsiya YuNRVA uchun huquqiy asos boʻlib xizmat qilishini, u Gʻazo, Gʻarbiy Sohil, Iordaniya, Livan va Suriyada yashayotgan 6 millionga yaqin falastinlik qochqinlarga muhim xizmatlar koʻrsatishda davom etishini taʻʻkidladi.

“Malayziya Gʻazoga 100 million RM (23,3 million AQSh dollari) dan ortiq naqd pul miqdorida insonparvarlik yordamini ham etkazadi”, — deya qoʻshimcha qildi u.