MAGATE: AESga hujumlar yirik yadroviy avariya xavfini oshiradi

Zaporojʻe atom elektr stantsiyasi hududida uchuvchisiz uchoqlar quladi. Reaktor toʻsigʻiga kamida uchta toʻgʻridan-toʻgʻri zarbalar yoʻllangan. Moskva ham, Kiev ham voqeaga aloqadorligini rad etmoqda.

AES maʻʻmuriyatining xabar qilishicha, bir uchuvchisiz uchoq oshxona yaqinida qulab, oziq-ovqat olib ketayotgan yuk mashinasiga zarar etkazgan. Yana bir qurilma esa yuk porti yaqiniga qulagan.

MAGATE rahbari Rafael Grossi uchuvchisiz uchoqlar yordamida Zaporojʻe atom elektr stantsiyasiga qilingan hujumni «ehtiyotsizlik» deb atadi. Uning soʻzlariga koʻra, reaktorning asosiy toʻsiq tuzilmalariga kamida uchta toʻgʻridan-toʻgʻri zarba berilgan. MAGATE vaziyat yadro xavfsizligiga xavf solmagan deb hisoblaydi, biroq bunday hodisalar yirik yadroviy avariya xavfini oshiradi.

Moskva Rossiya qoʻshinlari tomonidan bosib olingan Zaporojʻe AESga qilingan hujumda Kievni aybladi. Ukraina Bosh razvedka boshqarmasi esa hujumga aloqasi yoʻqligini aytdi va buni Rossiyaning "simulyatsiya zarbasi" deb atadi.

Shu bilan birga, Ukraina prezidenti Vladimir Zelenskiy Ukraina shaharlari va infratuzilmasini Rossiya havo hujumlaridan himoya qilish zarurligiga yana bir bor eʻʻtibor qaratdi. Shuningdek, u Ukraina Qurolli kuchlarida qarshi hujum uchun snaryadlar yoʻqligini taʻʻkidladi.

"Biz Kongressga toʻgʻridan-toʻgʻri aytishimiz kerak, agar Kongress Ukrainaga yordam bermasa, Ukraina urushda yutqazadi. Va buning uchun ommaviy shakl topishimiz kerak. Agar Ukraina urushda magʻlub boʻlsa, boshqa davlatlar ham hujumga uchraydi va bu haqiqat. Kelgusi haftalardan Rossiya bu masalaga yadroviy qurolni tobora koʻproq jalb qilishini koʻrasiz”, dedi Vladimir Zelenskiy.

Mavzuga aloqador

Eng ko‘p o‘qilgan

Tavsiya qilingan