Liviyada qurolli guruhlar va hukumat Tripoli xavfsizligini taʻʻminlashga kelishib oldi

Liviyada oxirgi ikki oyda vaziyat keskinlashdi. Poytaxt Tripoli yaqinida qurolli toʻqnashuvlar roʻy berdi, Markaziy bankni 12 yildan buyon boshqarib kelayotgan Siddiq Al-Kabir isteʻʻfosini talab qilgan qurolli shaxslar MB bosh idorasiga hujum qildi. Tomonlar xalqaro hamjamiyat bosimi ostida Tripolidagi muhim davlat idoralari xavfsizligini taʻʻminlashga kelishib oldi. Ayni paytda mamlakat BMT tan olgan Abdulhamid Dbeyba hukumati va sharqni nazoratga olgan harbiy etakchi Xalifa Xaftar tomonidan ikkiga boʻlingan.

Liviyada qurollangan guruhlar va rasmiy hukumat poytaxt Tripolida muhim infratuzilma obʻʻektlari xavfsizligini taʻʻminlash boʻyicha kelishuvga erishdi, dedi juma kuni mamlakat ichki ishlar vaziri BMTning yaqindagi jangovar harakatlar va mamlakat markaziy banki bilan bogʻliq inqirozdan xavotir bildirganidan soʻng.

6,8 million aholiga ega Shimoliy Afrika mamlakatini uzoq yillar boshqargan diktator Muammar Qaddafiy 2011 yilda NATO tomonidan qoʻllab-quvvatlangan qoʻzgʻolon ortidan hokimiyatdan agʻdarilgan edi.

Mamlakat hozirda poytaxt Tripolidagi BMT tomonidan tan olingan bosh vazir Abdulhamid Dbeyba hukumati hamda sharqda harbiy etakchi Xalifa Xaftar tomonidan qoʻllab-quvvatlanadigan raqib maʻʻmuriyati oʻrtasida boʻlingan.

"Mudofaa vazirligi bilan kelishilgan holda Tripolidagi barcha xavfsizlik xizmatlarini birlashtirdik hamda aeroportlar va quruqlikdagi chegaralarni, shuningdek, poytaxtdagi hukumat (muassasalar) shtab-kvartiralarini himoya qilish boʻyicha kelishuvga erishdik", dedi BMT tomonidan tan olingan hukumatning ichki ishlar vaziri Imad Trabelsi.

Qurolli guruhlar va xavfsizlik xizmatlari kelishuvni kuchga kiritishga “zudlik bilan tayyorligini bildirdi”, deya qoʻshimcha qildi u.

"24 soat ichida barcha hukumat binolarini, shu jumladan Liviya Markaziy banki binosini qoʻriqlaymiz", deya qoʻshimcha qildi u.

Bankni 2012 yildan buyon boshqari kelayotgan Siddiq Al-Kabir bosh vazirga yaqin shaxslar tomonidan Liviya neftʻ resurslari va davlat byudjeti masalasida tanqid qilingan edi.

Seshanba kuni BMTning mamlakatdagi siyosiy missiyasi rahbari vazifasini bajaruvchi Stefani Xuri BMT Xavfsizlik Kengashiga “Liviyadagi vaziyat oxirgi ikki oy ichida keskin yomonlashgani”, Tripoli atrofida qurollangan guruhlar bilan toʻqnashuvlar boʻlib oʻtganini maʻʻlum qilgan edi.

BMT missiyasi (YuNSMIL) payshanba kuni tomonlarni vazminlikka chaqirib, "Tripolida kuchlar safarbar etilgani haqidagi xabarlar, jumladan, Liviya Markaziy banki atrofidagi inqirozni hal qilish uchun kuch ishlatish tahdidi"dan jiddiy xavotir bildirdi.

Payshanba kuni kechqurun AQSh elchixonasi ham bank atrofidagi keskinlik oshgani, masalani kuch bilan hal qilishga urinish tashkilot yaxlitligi va uning jahon moliya tizimidagi mavqeiga taʻʻsir qilishini bildirdi.

Taxminan ikki hafta oldin bir necha oʻnlab odamlar, baʻʻzilari qurollangan holda, bank shtab-kvartirasi oldiga yigʻilib, Kabirning isteʻʻfosini talab qilishdi.

Oʻtgan yakshanba kuni esa bankning IT direktori nomaʻʻlum guruh tomonidan qisqa muddatga oʻgʻirlab ketilgan va bu muassasani ozodlikka chiqqunga qadar faoliyatini toʻxtatishga majbur qilgan.