Kanada parlament rezolyutsiyasiga qaramasdan, Isroilga harbiy mahsulotlar eksportini davom ettiradi

Kanada hukumati parlament rezolyutsiyasiga qaramasdan, Isroilga harbiy mahsulotlarni eksport qilishda davom ettiradi. Kelgusida eksport butunlay toʻxtatilishi maʻʻlum qilindi.

Kanada hukumatni Isroilga ruxsat berishni toʻxtatishga chaqiruvchi parlament rezolyutsiyasiga qaramay, Isroilga harbiy mahsulotlar eksportini davom ettirmoqda, deya xabar qildi TRT. Shu bilan birga, mamlakat Tashqi ishlar vazirligi kelajakda bunday etkazib berish butunlay toʻxtatilishini maʻʻlum qildi.

Avvalroq Kanada parlamenti Isroilga qurol eksportini taqiqlovchi majburiy boʻlmagan rezolyutsiyani qabul qilgan edi. Birinchi tahrirda hujjat Falastin davlatini tan olishga chaqiriqni ham oʻz ichiga olgan edi, ammo bu chaqiriq qabul qilingan talqinda olib tashlangan.

Tashqi ishlar vaziri Melani Joli Toronto Star gazetasiga bergan intervʻyusida Isroilga qurol eksportiga «haqiqiy» taqiq joriy etish niyatida ekanligini bildirdi.

Isroil tashqi ishlar vaziri Israel Kats esa buni "Isroilning oʻzini himoya qilish qonuniy huquqiga putur etkazadigan afsusli holat" deb hisobladi.

Joli 8 yanvardan boshlab Isroilga harbiy uskuna va texnologiyalarni eksport qilish uchun ruxsatnomalarni vaqtincha toʻxtatib qoʻyilgani, Isroilga faqat “oʻlimga olib kelmaydigan” yuklar, masalan, aloqa vositalari joʻnatilayotganini taʻʻkidladi.

Gʻazodagi urushning dastlabki ikki oyi davomida Kanada Isroilga kamida 28,5 million dollarlik harbiy mahsulotlar eksport qildi, deya qayd etadi The Maple.

Maʻʻlumotlarga koʻra, Isroil Kanada qurol-yarogʻlarini import qiluvchi davlatlar oʻntaligiga kiradi. Radio Canada maʻʻlumotlariga koʻra, 2022 yilda Isroilga 15 mln dollardan ortiq, bir yil oldin esa 19 mln dollarlik harbiy texnika eksport qilingan.

Mart oyida advokatlar va Kanadadagi falastinliklar koalitsiyasi Ottava ham ichki, ham xalqaro qonunlarni buzayotganini koʻrsatib, Kanada hukumatiga Isroilga qurol eksportini toʻxtatish talab qilingan shikoyatni yoʻllagan edi.

Mavzuga aloqador

Eng ko‘p o‘qilgan

Tavsiya qilingan