AQSh va Kanadadagi sinagogalarda Falastin erlari noqonuniy sotilmoqda
AQSh va Kanadadagi bir qator sinagogalar Sharqiy Quddus va Gʻarbiy Sohildagi noqonuniy yahudiy aholi punktlari hududlarida Falastin mulklarini sotish masalasini muhokama qilish uchun yopiq yigʻilishlar oʻtkazdi. Ularda noqonuniy aholi punktlari uchun Falastin erlarini sotilmoqda.
AQSh va
Kanadadagi bir qator sinagogalar Sharqiy Quddus va Gʻarbiy Sohildagi noqonuniy
yahudiy aholi punktlari hududlarida Falastin mulklarini sotish masalasini
muhokama qilish uchun yopiq yigʻilishlar oʻtkazdi.
Bu haqidagi maʻʻlumotlar AQSh jamoatchiligining noroziligiga
sabab boʻldi.
Jumladan,
Nʻyu-Jersi
shtatining Englvud shahrida Texasdagi Keller Williams koʻchmas mulk kompaniyasi tomonidan tashkil etilgan shunday
uchrashuvlardan biriga qarshi norozilik namoyishi boʻlib oʻtdi.
Falastin bayroqlari koʻtargan oʻnlab namoyishchilar, jumladan yahudiylar
ham, yogʻayotgan yomgʻirga qaramay, mahalliy Ahavat Tora ibodatxonasi yaqinida
toʻplanishdi. Namoyishchilar amerikalik sionist yahudiylarga noqonuniy aholi
punktlaridan mulk sotilishini toʻxtatishni talab qilishdi.
Aktsiya
ishtirokchilari “Falastinga ozodlik”, “Isroil ishgʻolini toʻxtating”,
“Noqonuniy aholi punktlariga barham berish kerak”, “Oʻgʻirlangan erlarni sotmang”, “Bu er
oʻgʻirligi”, «Oʻgʻirlangan
erlarda biznes bilan shugʻullanmang» kabi shiorlarni koʻtarib olishdi.
Politsiya namoyish hududida xavfsizlik choralarini kuchaytirdi.
Amerika-Islom munosabatlari kengashining (CAIR) Nʻyu-Jersidagi ofisi ham
Falastin erlarining noqonuniy koʻchmanchilarga sotilganini qoraladi.
“Ibodatlar
amalga oshiriladigan joylar muqaddasdir. Sinagoga kabi ibodatxonalardan
oʻgʻirlangan erlarni sotish uchun foydalanish
xalqaro huquqqa zid boʻlib,
chuqur tashvish uygʻotadi”, — deyiladi CAIR bayonotida.
Falastin erlarini sotish boʻyicha Nʻyu-Jersi, Nʻyu-York, Toronto va
Monrealda ham yopiq
uchrashuvlar oʻtkazilgan.
Ularni rieltor Keller Uilyams "Isroildagi uyingiz" nomli noqonuniy
isroillik koʻchmanchilar guruhi bilan birgalikda uyushtirgan.
Ushbu turdagi uchrashuvlarda qatnashish uchun oldindan roʻyxatdan
oʻtish kerak. Kirish faqat yahudiy ishtirokchilar uchun.
Mavzuga aloqador
-
AQSh prezidenti Jo Bayden bosib olingan Gʻarbiy Sohilda falastinliklarga qarshi zoʻravonlik qilgan ekstremist yahudiy koʻchmanchilarga qarshi sanktsiyalar joriy etish toʻgʻrisidagi farmonini imzoladi. Bu haqda Oq uyning yozma bayonotida soʻz boradi.
-
Ispaniya tashqi ishlar vaziri Xose Manuel Albares mamlakati Gʻarbiy Sohildagi “12 tajovuzkor isroillik koʻchmanchilardan iborat birinchi guruh”ga qarshi sanktsiya jarayonini boshlaganini maʻʻlum qildi. “Sukut va harakatsizlik har doim jabrdiydalarning zarariga ishlaydi”, dedi musulmon davlatlarda yoʻq jurʻʻat va irodani namoyon etayotgan Ispaniya vakili.
