JSST Marburg gemorragik bezgagi epidemiyasi xavfi haqida xabar berdi

Ruandada oʻlim darajasi yuqori boʻlgan Marburg gemorragik bezgagiga chalinish holatlari tasdiqlandi. Mamlakatning 30 ta okrugidan ettitasida kasallik aniqlangan, oʻlim holatlari ham qayd etilgan. Germaniyada ham ikki kishida ushbu infektsiya alomatlari aniqlandi.

JSST maʻʻlumotlariga koʻra, bugungi kunga qadar Ruandada Marburg gemorragik bezgagi bilan kasallangan 26 ta holat aniqlangan va 9 kishi vafot etgan. Bemorlarning 70 foizi Kigali shahridagi ikkita kasalxonada tibbiyot xodimlaridir. Rasmiylar virus bilan aloqada boʻlgan 300 ga yaqin odamni aniqladi. Ularning barchasi kuzatuv ostida.

"Marburg bezgagining transchegaraviy tarqalish xavfi mavjud, chunki kasallik Ruandaning Kongo Demokratik Respublikasi, Tanzaniya va Uganda bilan chegaradosh hududlarida aniqlangan", - deyiladi tashkilot bayonotida. JSST ushbu uch davlat rasmiylaridan Ruanda bilan chegarada epidemiologik nazorat uchun qoʻshimcha choralar koʻrishni talab qildi.

Germaniyada ham Marburg virusi bilan kasallanish holatlari aniqlangani aytilmoqda. Gamburg markaziy vokzalidan ushbu gripp alomatlari sezilgan ikki yoʻlovchi zudlik bilan evakuatsiya qilindi. dpa agentligining xabar berishicha, 2 oktyabrʻ, seshanba kuni kasallik alomatlarini sezgan tibbiyot talabasi va uning sevgilisi navbatdagi tibbiy koʻrikdan oʻtish uchun Gamburg-Eppendorf universiteti kasalxonasiga olib ketilgan.

Qayd etilishicha, ulardan biri avvalroq Ruandaga borgan va u erda shifokorlar keyinchalik Marburg virusi bilan kasallangan deb tashxis qoʻygan bemor bilan muloqotda boʻlgan.

Dastlabki maʻʻlumotlarga koʻra, poezdda yana 200 ga yaqin yoʻlovchi boʻlgan. Politsiya zarurat tugʻilgan taqdirda karantinga olish uchun ularning maʻʻlumotlarini toʻplab qoʻygan.

Marburg virusi Ebola virusi bilan bir oilaga mansub boʻlib, oʻlim darajasi 88% ga etishi mumkin. "27 dan ortiq holat va toʻqqizta oʻlim bilan epidemiya rekord darajadagi toʻrtinchi oʻrinni egalladi. JSST ushbu epidemiya xavfini milliy miqyosda juda yuqori, mintaqaviy miqyosda yuqori va global miqyosda past deb baholadi", deya xabar bermoqda NPR.

Marburg bezgagi epidemiyasi oxirgi marta 2023 yilning fevralʻ-iyunʻ oylarida Afrikada kuzatilib, Tanzaniya va Ekvatorial Gvineyada tarqalgandi. Bungacha Angola, Gana, Gvineya, Keniya va Janubiy Afrikada qayd etilgan.

Zamonaviy tibbiyot Marburg virusi keltirib chiqaradigan kasallik odamlarga koʻrshapalaklardan yuqadi, deb hisoblaydi. Keyin u kasal odam bilan bevosita aloqa qilish orqali odamlar orasida tarqaladi. Kasallik toʻsatdan yuqori isitma va kuchli bosh ogʻrigʻi bilan boshlanadi. Etti kun ichida infektsiyalanganlarda gemorragik isitma belgilari paydo boʻladi.

Marburg isitmasidan oʻlim darajasi virusning shtammi va davolash imkoniyatlariga qarab 24% dan 88% gachani tashkil etadi. Gemorragik isitmaning bu shaklini davolash usuli hali mavjud emas. Kasallik oʻz nomini Germaniyaning Marburg shahridan olgan. U 1967 yilda shaharda ilk bor qayd etilgan. Uning qoʻzgʻatuvchisi ilmiy tadqiqot uchun Afrikadan olib kelingan maymun toʻqimalarida topilgan.

Mavzuga aloqador

Eng ko‘p o‘qilgan

Tavsiya qilingan