Germaniya Rossiya bankining 780 mln dollardan ortiq aktivlarini musodara qilmoqchi
Germaniya hukumati Frankfurtdagi Rossiya bankiga tegishli 780 mln dollarlik aktivlarni musodara qilish uchun sudga daʻʻvo kiritdi.
Germaniya
hukumati Rossiya bankining 720 million evro (787 million dollar) aktivlarini
musodara qilmoqchi, deya xabar qildi federal prokurorlar chorshanba kuni.
Bankning
Frankfurt-na-Mayndagi aktivlariga nisbatan mustaqil aktivlarni musodara qilish
boʻyicha ish ochilgan.
Musodaraga
Rossiyaga qarshi amaldagi sanktsiyalarni buzishga urinish sabab qilib koʻrsatilmoqda,
deyiladi Federal prokuratura bayonotida. Bankning Rossiyaga pul olib chiqishga
harakat qilgani aytilmoqda.
Xabarda
aytilishicha, 7 iyulʻ kuni Federal prokuratura Frankfurt-na-Mayn Oliy mintaqaviy
sudiga ish ochish uchun ariza bilan murojaat qilgan.
Nomi
tilga olinmagan Rossiya banki 2022 yil iyunʻ oyida Evropa Ittifoqining sanktsiyalar
roʻyxatiga kiritilgan. Biroq Rossiya banki uchun masʻʻul shaxslar roʻyxatga
kiritilganidan koʻp oʻtmay, Frankfurtdan 720 million evrodan ortiq mablagʻni
oʻtkazib yuborishga uringan. Shu bilan birga, bank elektron toʻlov topshirigʻini
bajarmagan.
Bundan
tashqari, Germaniya rasmiylari hozirda hech qanday aniq shaxs ushbu jinoyat uchun
jinoiy javobgarlikka tortilishi yoki hukm qilinishi mumkin boʻlmagani sababli arizada
aktivlarni mustaqil ravishda musodara qilish soʻralgan.
