Isroil mudofaa vaziri: Gʻazoda sulh tuzilgan taqdirda ham Hizbulloh bilan urush davom etadi

Isroil mudofaa Yoav Galant Gʻazo sektorida oʻt ochishni toʻxtatish kelishuviga erishilgan taqdirda ham Livandagi Hizbulloh harakati bilan toʻqnashuvlar davom etishini maʻʻlum qildi.

Gʻazo sektorida oʻt ochishni toʻxtatish kelishuviga erishilgan taqdirda ham Livandagi Hizbulloh harakati bilan toʻqnashuvlar davom etadi. Bu haqda Isroil mudofaa vaziri Yoav Galant maʻʻlum qildi.

“Isroil Gʻazoga hujumlarini toʻxtatsa ham, shimolda Hizbullohga hujum qilishni toʻxtatmaydi. Agar Hizbulloh janubda (Gʻazoda) urush tugashi bilan (urush) shimolda tugaydi, deb hisoblasa, adashadi”, — dedi Mudofaa vazirligi rahbari Yedioth Ahronot nashri eʻʻlon qilgan videomurojaatda.

"Men shuni aniq aytamanki, shimoliy qismda aholi xavfsiz yashashi mumkin boʻlgan vaziyat yuzaga kelmaguncha, bu erdagi hujumlar toʻxtamaydi", - deya qoʻshimcha qildi u.

2023 yil 8 oktyabrdan beri chegarada Hizbulloh harakati va Isroil armiyasi qoʻshinlari oʻrtasidagi toʻqnashuvlar davom etmoqda. Isroil armiyasidagi yoʻqotishlar 10 kishini, Hizbullohdan esa 177 kishini tashkil etmoqda.

Bundan tashqari, davom etayotgan toʻqnashuvlar natijasida Livandan 30 nafar, Isroildan esa olti nafar tinch aholi halok boʻlgan.