Isroil Gʻazoda gumanitar yordam yuk mashinasiga zarba berdi, 9 kishi halok boʻldi
Isroil yana bir bor gumanitar yordam kutayotgan falastinliklarga zarba berdi. Gumanitar yordam olib ketayotgan yuk mashinasiga hujum qilinishi oqibatida 9 kishi halok boʻldi, oʻnlab kishilar jarohatlandi.
Isroil
harbiylari ishgʻol ostidagi Gʻazo sektori markazidagi Dayr-Balah shahrida
insonparvarlik yordamini olib ketayotgan mashinaga uyushtirgan zarbasi natijasida 9
kishi halok boʻldi, oʻnlab kishilar yaralandi.
Avvalroq
Isroil armiyasi 29 fevralʻ kuni ertalab Gʻazo shahri janubida Gʻazo sektorini
shimoldan janubga bogʻlaydigan Rashid koʻchasidagi Nablusi chorrahasida gumanitar
yordam kutayotgan falastinliklarni bombardimon qilgan va oʻqqa tutgan edi.
Isroilning
gumanitar yordam kutayotgan falastinliklarga hujumi oqibatida 118 kishi halok boʻldi,
760 kishi yaralandi.
Butun
dunyo hamjamiyati tomonidan mazkur hujum keskin qoralanganiga qaramasdan, Isroil oʻz
urush jinoyatlarini davom ettirmoqda.
