HAMAS Xalqaro sud qarorini olqishladi

HAMAS harakati BMT Xalqaro sudining JAR tomonidan kiritilgan Gʻazoda Falastin xalqiga qarshi genotsid daʻʻvosi boʻyicha chiqargan hukmini olqishladi.

HAMAS harakati BMT Xalqaro Sudining Janubiy Afrika Respublikasining (JAR) ishgʻol ostidagi Gʻazo sektorida genotsid daʻʻvosi boʻyicha Isroilga qarshi vaqtinchalik choralar koʻrish haqidagi qarorini olqishladi. Bu haqda Anadolu HAMASning yozma bayonotiga asoslanib xabar qildi.

"Biz xalqaro hamjamiyatni dushmanni (Isroilni) sud qarorlarini bajarishga majburlashga va xalqimizga qarshi davom etayotgan genotsid jinoyatini toʻxtatishga chaqiramiz", ­- deya taʻʻkidladi harakat.

Sudning Isroilni genotsid, urush jinoyatlari va insoniyatga qarshi jinoyatlarda aybdor deb topuvchi yakuniy qaroriga koʻra, Isroil rasmiylari Xalqaro Jinoyat Sudi oldiga keltirilishi va bu jinoyatlar uchun javobgarlikka tortilishi kerak, deyiladi bayonotda.

Xuddi shunday qaror Falastin xalqining oʻz taqdirini oʻzi belgilash, oʻz mustaqil davlatini barpo etish va falastinliklar majburan chiqarib yuborilgan erlarga qaytish huquqlarini tan olishiga yoʻl ochishi ham kerakligi qayd etildi.

HAMAS JARning Falastin xalqi va uning kurashiga nisbatan "olijanob va obroʻli" pozitsiyasini yuqori baholaydi va ushbu mamlakatning Tel-Aviv ustidan Xalqaro sudga daʻʻvo berish qarorini qoʻllab-quvvatlagan barcha davlatlarga minnatdorchilik bildirdi.

Xalqaro sudda Isroilga qarshi sud

2023 yil 29 dekabrda JAR Genotsid jinoyatining oldini olish va jazolash toʻgʻrisidagi konventsiyani buzganligi uchun Isroilga qarshi Xalqaro sudga daʻʻvo arizasi bilan murojaat qildi.

Har ikki tomonning sudʻyalari tinglangan sud majlisi 11-12 yanvarʻ kunlari Gaagada boʻlib oʻtdi.

Xalqaro sud 26 yanvarʻ, juma kuni Isroilni Genotsid konventsiyasiga mos tushuvchi xatti-harakatlarning oldini olish uchun “barcha zarur choralarni” koʻrishi, Gʻazo sektoridagi harbiy amaliyotlarni zudlik bilan toʻxtatishi va qotillik bilan bogʻliq har qanday xatti-harakatlar, eksklav aholisiga qarshi hujumlar va vayronagarchilikdan tiyilishi kerakligi haqida qaror chiqardi.

Xalqaro sud raisi Joan Donoxʻyuning taʻʻkidlashicha, Isroilning 7 oktyabrdan beri havo, quruqlik va dengiz orqali amalga oshirgan harbiy amaliyotlari juda katta qurbonlar, fuqarolik infratuzilmasi vayron boʻlishi va aksariyat Gʻazo aholisining koʻchirilishiga olib keldi.

Sud Isroilga qarshi genotsid ayblovlari "oqilona darajada" isbotlangan deb qaror qildi.

Sud qaroriga koʻra, falastinliklar Genotsid konventsiyasining ikkinchi moddasida koʻrsatilgan etnik va diniy guruh taʻʻrifi doirasida koʻrib chiqilishi mumkin. Sudning taʻʻkidlashicha, Isroil hujumlariga uchragan Gʻazo aholisi Genotsid konventsiyasining 2-moddasida koʻrsatilgan "himoyalangan guruh" taʻʻrifiga mos keladi.

Sud qaroriga koʻra, Gʻazodagi halokatli gumanitar vaziyat "doimiy tahdid" boʻlib, uning oldini olish uchun sud choralarini koʻrish kerak.

Qaror bir ovozdan – 15 nafarga qarshi ikki ovoz bilan qabul qilindi.

Bundan tashqari, Xalqaro sud 16 ta ovozga 1 qarshi ovoz bilan Isroildan “Gʻazo sektoridagi noqulay yashash sharoitlarini” bartaraf etish uchun shoshilinch va samarali choralar koʻrishni talab etishga qaror qildi.

Sud Isroilga bir oy ichida koʻrilgan choralar haqida hisobot taqdim etishni buyurdi.