HAMAS uch bosqichli sulh taklifini qabul qildi

HAMAS qoʻlga olishlar, qamalni tugatish va urushdan keyingi tiklashni oʻz ichiga olgan uch bosqichli sulh taklifini qabul qildi. HAMAS shartlari

Al Jazeera oʻz manbalariga tayangan holda HAMAS Gʻazo sektoridagi qoʻlga olishlar, qamalni tugatish va urushdan keyingi tiklash ishlarini oʻz ichiga olgan uch bosqichli sulh taklifini qabul qilganini bildirdi.

Sulhning har bir bosqichi 45 kun davom etadi hamda asirlar va jasadlarni almashish, qamalni tugatish va qayta qurish boʻyicha kelishuvlarni oʻz ichiga oladi.

HAMAS ikkinchi bosqich boshlanishidan oldin oʻt ochishni toʻxtatish boʻyicha muzokaralarni toʻxtatish, Isroil qoʻshinlarini olib chiqib ketish va qayta qurish ishlarini boshlashni talab qildi.

Taklif 1500 mahbus, jumladan, umrbod va ogʻir qamoq jazosiga hukm qilingan 500 kishi, shuningdek, barcha ayollar, bolalar va qariyalar evaziga qabul qilingani aytilmoqda.

Jumladan, HAMAS birinchi bosqichda:

— isroillik mahbuslar, bolalar, ayollar, qariyalar va bemorlarni ozod qilishni;

— butun Gʻazo sektoriga kuniga kamida 500 yuk mashinasi gumanitar yordam va yoqilgʻi olib kirilishini;

— Gʻazo sektoriga kamida 60 mingta vaqtinchalik uy va 200 mingta boshpana chodirlari kiritilishini;

— koʻchirilganlarning uylariga qaytishi, Gʻazo sektorining shimoli va janubi oʻrtasida erkin harakatlanish kafolatlarini;

— Qatar, Misr, AQSh, Turkiya va Rossiyadan kelishuvning bajarilishini kafolatlashni;

— uylar, iqtisodiy va jamoat obʻʻektlarini rekonstruktsiya qilish rejalarini maksimal 3 yil ichida tasdiqlashni talab qilmoqda.

Qarshilik harakati brigadasi vakili Abu Ali Mustafoning qayd etishicha, Gʻazo sektoriga uyushtirilayotgan hujumlar toʻliq toʻxtatilib, barcha qoʻshinlar toʻliq olib chiqilmaguncha sionistik mahbuslar ozod qilinmaydi.

“Birodarlarimiz bilan “Al-Aqso toʻfoni” jangini olib boryapmiz, barcha jabhalarda qarshilik koʻrsatmoqdamiz va dushmanga talofatlar etkazmoqdamiz. Sionist mahbuslar doimiy oʻt ochish toʻxtatilib, qoʻshinlar Gʻazo sektoridan toʻliq chiqib ketishini kafolatlaydigan kelishuvga erishilmaguncha uylariga qaytishmaydi", ‑ dedi u.