Germaniyada ayol kishi kasalxonada odamlarni garovga oldi

Germaniyaning Aaxen shahrida 65 yoshli ayol kasalxonada odamlarni garovga oldi. Shifoxonada maxsus operatsiya oʻtkazilib, ayol qoʻlga olingan. Jinoyat sabablari hozircha maʻʻlum emas.

Germaniyaning Aaxen shahrida dushanba kuni kechqurun qurolli jinoyatchi mahalliy kasalxonada odamlarni garovga oldi.

Dastlabki maʻʻlumotlarga koʻra, ayol shifoxonaga oʻz joniga qasd qilish maqsadida murojaat etgan, biroq uning maqsadi va talablari haqida hech narsa maʻʻlum emas.

Aachener Zeitung nashrining yozishicha, ayol toʻpponcha bilan kasalxonadagilarni qoʻrqitgan, shifoxona xodimi uning qoʻlidan qurolni tortib olishga muvaffaq boʻlganidan soʻng, bemor xonasiga qochib ketgan, soʻngra pirotexnika vositasini yoqib, yoʻlakka uloqtirgan. Politsiya maʻʻlumotlariga koʻra, ayol joylashgan joy atrofidagi hududlar evakuatsiya qilingan.

Politsiyaning maxsus boʻlinmasi tomonidan oʻtkazilgan operatsiya vaqtida ayolga oʻq uzilgan va ogʻir yaralangan.

Portlash natijasida tutun chiqqani xabar qilingan. Qurbonlar haqida maʻʻlumot berilmagan. Bemorlar va shifoxona xodimlari evakuatsiya qilingan.