Germaniya harbiy xizmatga chaqirishni tiklaydi

Germaniya umumiy harbiy majburiyatni qayta joriy etish istiqbollarini muhokama qilmoqda. Mudofaa vazirligi boʻlim boshligʻi Boris Pistoriusga uchta islohot variantini taqdim etdi. Mamlakatda bu amaliyot bundan 13 yil avval — 2011 yilda bekor qilingan edi.

Variantlardan birida ayollarni majburiy harbiy xizmatga jalb etish taklif qilingan. Buning uchun Germaniya Konstitutsiyasiga oʻzgartirishlar kiritish talab etiladi, biroq Mudofaa vazirligining fikricha, bu variant jamoatchilik tomonidan maʻʻqullanishi mumkin.

Islohotning yana bir varianti faqat 18 yoshdan oshgan erkaklarni harbiy xizmatga chaqirishni nazarda tutadi.

Uchinchi variant ishga olish kampaniyalarini oʻtkazish orqali mavjud tizimni «optimallashtirish» ni oʻz ichiga oladi.

Pistorius uchinchi variantga qarshi chiqdi. Shu hafta Vashingtonga safari chogʻida u "Germaniya harbiy xizmatga chaqirishning qandaydir shakliga muhtoj ekanini" taʻʻkidladi.

Mamlakatda eng mashhur siyosatchi sifatida oʻrin olgan Germaniya mudofaa vaziri avvalroq harbiy xizmatni toʻxtatish qarorini «xato» deb atagan edi.

Muddatli harbiy xizmatni qayta tiklash nemis jamiyatining qarishi bilan bogʻliq, yaʻʻni isteʻʻfoga chiqqan askarlar soni ularning oʻrnini bosadigan chaqiruvchilar sonidan oshadi.

Berlin yaqinda oʻz qurolli kuchlari sonini hozirgi 180 mingdan 200 mingga oshirishni maqsad qilgan.

Mavzuga aloqador

Eng ko‘p o‘qilgan

Tavsiya qilingan

Reklama