Gʻazo hukumati: Minglab tonna insonparvarlik yordami Misr hududidan oʻtgani yoʻq
Gʻazo sektori hukumati Gʻazo aholisi uchun oʻnlab mamlakatlardan yuborilgan minglab tonna insonparvarlik yordami Misr hududidan hech qachon oʻtmaganini maʻʻlum qildi, deya xabar bermoqda Al Jazeera.
Qayd
etilishicha, koʻp haftalardan beri bu yordam Rafax nazorat punktining narigi
tomonida boʻlib, Gʻazoga etkazilmagan. Afsuski, yuzlab tonna yordam allaqachon
yaroqsiz holga kelgan.
“Biz
bu yordamni Gʻazo sektoriga zudlik bilan etkazilishini talab qilamiz, chunki vaziyat
halokatli. Falastin xalqi oziq-ovqat, suv va dori-darmonlarning keskin
tanqisligidan aziyat chekmoqda. Gʻazo shimolida minglab bolalar ochlikdan oʻlmoqda”, - deyiladi Gʻazo hukumati
bayonotida.
Gʻazo
sektorida kuniga 1000 ta yuk mashinasi haqiqiy chaqaloq suti, asosiy ehtiyojlar,
oziq-ovqat va tibbiy asbob-uskunalarga ehtiyoj mavjud. Shuningdek, Gʻazo sektoriga
shifoxonalar, novvoyxonalar, quduqlar, ichimlik suvi stantsiyalari va boshqa muhim
obʻʻektlarni ishga tushirish uchun kuniga million litr yoqilgʻi kerak.
Bayonotda AQSh va
xalqaro tashkilotlar Gʻazo sektoridagi falastinliklarni ochlik bilan oʻldirishga
qaratilgan ishgʻol siyosatini maʻʻqullash xavfi haqida ogohlantirilib, ushbu
jinoyatlar uchun javobgarlik ular zimmasiga yuklangan. Shuningdek, ularning
amaliyoti xalqaro huquq va barcha xalqaro konventsiya va normalarni buzishi
taʻʻkidlangan.
.
Mavzuga aloqador
-
Gʻarb matbuoti aksariyat holatlarda ikkilanma mezonlar bilan harakat qilyapti va shu taxlit yashamoqda. Abdulhakim Bahriddin Gʻazo misolida axborot vositalaridagi ikkilanma mezonlarni tilga oldi.
-
Amerikalik musulmonlar Isroilning Gʻazoga qarshi urushida AQSh prezidentining harakatlariga nisbatan oʻz pozitsiyasini aks ettiruvchi “Baydendan voz kechish” kampaniyasini boshlashni rejalashtirmoqda, deya xabar qildi Axios nashri.
