Gʻazo aholisi suv, oziq-ovqat va tibbiy yordamdan mahrum qolmoqda

Rafah shahri maъmuriyati isroilning Tal al-Sulton hududiga qarshi davom etayotgan qamal va bombardimonlar tufayli jiddiy insonparvarlik inqirozi yuzaga kelganini eъlon qildi. Maъlumotlarga koʻra, hudud bilan aloqa butunlay uzilgan, natijada yuzlab oilalar ichimlik suvi, oziq-ovqat va tibbiy yordamdan mahrum holda qamalda qolmoqda.  

Mahalliy manbalarga tayanib berilayotgan maъlumotlarga koʻra, yaradorlar qonni yoʻqotish oqibatida vafot etmoqda, bolalar esa ochlik va chanqoqlikdan halok boʻlish xavfi ostida qolgan. Tinimsiz bombardimon tufayli hududga na qutqaruvchilar, na tibbiy xizmat xodimlari kira olmoqda.  

Shahar rasmiylari soʻnggi 36 soat ichida tibbiyot xodimlari va qutqaruvchilar bilan aloqa yoʻqligini bildirgan. Ularning Tal al-Sulton hududidagi yaradorlarni evakuatsiya qilishga uringani, biroq oʻshandan beri bedarak yoʻqolgani taъkidlanmoqda.  

Rafah shahri maъmuriyati bayonotida Tall al-Sultondagi vaziyat insoniyatga qarshi jinoyat sifatida baholanib, xalqaro hamjamiyatning sukut saqlashi qattiq tanqid qilinmoqda. Rasmiylar xalqaro tashkilotlarni favqulodda choralar koʻrishga chaqirmoqda.