Gʻazo sektoridagi isroil hujumlari oqibatida 50 mingdan ortiq inson shahid boʻldi

2023 yil 7 oktyabrdan beri davom etayotgan isroil harbiy hujumlari natijasida Gʻazo sektorida shahid boʻlganlar soni 50 mingdan oshdi. Gʻazo hukumati matbuot byurosining maъlumotlariga koʻra, qurbonlarning aksariyatini ayollar va bolalar tashkil etadi.

Soʻnggi rasmiy maъlumotlarga koʻra, Gʻazoda 17 954 bola va 12 365 ayol sionistlar armiyasi hujumlari natijasida shahid boʻlgan. 

Shuningdek, halok boʻlganlar orasida bir yoshga toʻlmagan 1 150 nafar chaqaloq ham bor, ulardan 274 nafari urush davrida tugʻilgan va vafot etgan. Umuman olganda, isroil qatliomi natijasida barcha aъzolari yoʻq qilingan 2 165 ta oila aholi roʻyxatidan chiqarilgan, 5 064 ta oiladan esa faqat bitta aъzo tirik qolgan.

Gʻazo sektoridagi mojarolar davrida 11 200 kishi vayronalar ostida qolgan yoki bedarak yoʻqolgan. Jabrlanganlar soni esa 113 274 kishiga etgan. 

Shuningdek, isroil tomonidan qamal qilingan hududda insonparvarlik yordami toʻliq toʻxtatilgani sababli kamida 52 kishi ochlikdan, 17 kishi, jumladan, 14 bola sovuqdan halok boʻlgan.