Frantsiya oʻquvchilari Gʻazoda zudlik bilan oʻt ochishni toʻxtatishni talab qilib maktablarni toʻsib qoʻymoqchi

Frantsiya oʻrta maktab oʻquvchilari kasaba uyushmasi vitse-prezidenti Manes Nadel falastinliklarni qoʻllab-quvvatlash maqsadida dushanba kuni "bir necha oʻnlab" muassasalarga kirish toʻsib qoʻyilishini maʻʻlum qildi. Mamlakat prezidenti Emmanuel Makron oʻquvchilarning ushbu qarorini qoraladi.

Frantsiya oʻrta maktab oʻquvchilari kasaba uyushmasi vitse-prezidenti Manes Nadel 5 may, yakshanba kuni BFMTV telekanalida falastinliklarni qoʻllab-quvvatlash maqsadida shu dushanba kuni "bir necha oʻnlab" muassasalar bloklanishini maʻʻlum qildi, deya xabar bermoqda Yeni Şafak.

U barcha yuqori sinf oʻquvchilarini choralar koʻrishga chaqirdi. "Asirlarni ozod qilishga imkon yaratuvchi oʻt ochishni toʻxtatish toʻgʻrisidagi kelishuvga erishilishi kerak. Qurollar ovozini oʻchirishga majburlash va xalqaro huquq birinchi oʻringa chiqishi shart. Ertadan boshlab oʻz oʻrta maktablaringizga kirishni toʻsib qoʻying", - deya bayonot berdi u.

Mamlakat prezidenti Emmanuel Makron bu voqeadan unchalik ham ilhomlanmadi, uning oʻrta maktab oʻquvchilarining qarori haqidagi soʻzlari:

“[Men bu toʻsqinliklarni] eng qatʻʻiy ravishda [qoralayman]. Bahs-munozaralar boʻlishini yoqlayman. Ammo oʻquv muassasasini u yoki bu siyosatni amalga oshirishga majburlash va kirishni toʻsib qoʻyish, boshqa oʻquvchilarni ular yahudiy boʻlganlari uchun maʻʻruzalar zaliga kirishini taqiqlash, bu – respublika emas. Bu oʻzaro hurmat, bagʻrikenglik, antimetizm va irqchilikni qoralash emas”, - dedi u.