Fath va XAMAS Xitoyda yarashuv boʻyicha muzokara oʻtkazdi
Falastinning raqib siyosiy guruhlari – Fath va HAMAS vakillari Pekinda yarashuv boʻyicha muzokaralar oʻtkazdi.
Falastinning
raqib siyosiy guruhlari – Fath va HAMAS vakillari Pekinda yarashuv boʻyicha
muzokaralar oʻtkazdi, deb xabar bermoqda Al Jazeera.
Muzokaralar
faktini Xitoy Tashqi ishlar vazirligi ular aniq qachon boʻlib oʻtganini koʻrsatmagan
holatda tasdiqladi.
Eslatib oʻtamiz,
Islomiy qarshilik harakati (HAMAS) va Falastin milliy ozodlik harakati (Fath)
bosqinchilikka qarshi kurashda kuchlarni birlashtirish uchun faol choralar koʻrmoqda. Ular
shu yil boshida Moskvada yagona hukumat tuzish boʻyicha yigʻilish oʻtkazgan edi.
Keyinroq Falastin maʻʻmuriyati rahbari Mahmud Abbos Turkiya tashqi ishlar vaziri
Xoqon Fidan bilan uchrashib, ushbu loyihani amalga oshirish usullarini muhokama
qildi.
Mavzuga aloqador
-
“Aqso toʻfoni” boshlanganidan soʻng isroilliklarning HAMASni tor-mor etish haqidagi hayqiriqlari avj oldi va ularga gʻarbning yirik davlatlari ham qoʻshildi. Ularning maqsadi Gʻazo sektoridagi HAMAS boshqaruvini tugatish va Falastin hukumati qarorlarini qabul qilishda uning taʻʻsirini yoʻqotish edi. Bu harakatlar HAMASni dunyo xalqlari oldida terror tashkilot sifatida gavdalantirish, shuningdek uni Yaqin Sharqdagi tinchlik va osoyishtalikka halal beradigan yagona toʻsiq qilib koʻrsatish, arab mamlakatlarining tashqi aloqalari, xavfsizligi uchun tahdid etib namoyon qilish tashviqotlari bilan boshlandi. Demak, ularning fikricha, HAMAS barcha muammoning sababchisi, HAMASning yoʻq qilinishi mintaqadagi tinchlikka olib boradigan yagona yoʻl.
-
Oʻtgan yillar davomida oʻn minglab insonlarning qurbon boʻlishiga olib kelgan Falastin-Isroil mojarosi bugun yana dunyo hamjamiyatining diqqat markazida turibdi. Xoʻsh, asrlar mobaynida davom etib kelayotgan bu mojaro barchani “Aslida, Falastin kimniki: arablarnikimi yoki yahudiylarniki?” degan savolni oʻylashga, fikrlashga majbur qiladi.
