Eronda Sulaymoniy dafn etilgan qabriston yaqinida portlash yuz berdi
Eronda general Sulaymoniy dafn etilgan qabriston yaqinidagi portlashda eng kamida 73 kishi halok boʻldi, 170 kishi jarohatlandi.
Eronning
Kirmon shahrida general Qosim Sulaymoniy dafn etilgan qabristonga olib boruvchi
yoʻlda portlash sodir boʻldi, deb xabar bermoqda IRNA.
“Hozirda
Kermandagi terakt oqibatida 73 kishi halok boʻldi, 170 kishi jarohat oldi”, —
deyiladi xabarda.
Mahalliy hukumat portlashlarni terakt deb atadi.
Eronning Tasnim
davlat agentligiga koʻra, Kermandagi qabristondagi Gulzor maqbarasi binosiga
kiraverishda bomba solingan ikkita qop tashlab ketilgan va ular masofaviy moslama yordamida portlatilgan
boʻlishi mumkin.
2020 yil 3 yanvarga oʻtar kechasi AQSh Bagʻdodda Eron maxsus kuchlari qoʻmondoni Qosim
Sulaymoniy va Iroq shia militsiyasi rahbari oʻrinbosari Abu Mahdi al-Muhandisni yoʻq
qilish boʻyicha operatsiya oʻtkazgandi.
Vashington ularni 2019
yil 31 dekabrʻ kuni Bagʻdoddagi Amerika elchixonasiga hujum uyushtirishga aloqador
deb hisoblaydi.
Bunga javoban Eron Amerikaning Iroqdagi bazalariga, jumladan
Ayn al-Assadga zarba berdi. Dastlab AQShning oʻsha paytdagi prezidenti Donalʻd Tramp va Pentagon
rasmiylari hujumdan keyin qurbonlar yoʻqligini maʻʻlum qildi. Keyinroq harbiylar yaradorlar
borligini tan olishga majbur boʻldi.
.png)
Mavzuga aloqador
-
Eron turizmni jonlantirish maqsadida 32 davlat bilan viza tartibini bir tomonlama bekor qilishga qaror qildi. Ular orasida Oʻzbekiston ham boʻlishi mumkin.
-
Eron mudofaa vaziri AQShning Qizil dengizdagi kemalarni himoya qilish uchun xalqaro guruh yaratish rejasini tanqid qilib, agar shunday qilinsa, jiddiy muammolarga uchrashini aytdi.
