Eronda Ismoil Haniya oʻlimidan soʻng bir necha oʻnlab shaxslar hibsga olindi
Eron huquq-tartibot organlari xodimlari HAMAS siyosiy byurosi rahbari Ismoil Haniya oʻlimi boʻyicha tergov doirasida bir necha oʻnlab kishilar, jumladan, mamlakat razvedka xizmatining yuqori martabali amaldorlarini hibsga oldi, deb yozmoqda The New York Times.
Eron
huquq-tartibot idoralari xodimlari HAMAS siyosiy byurosi rahbari Ismoil Haniyaning
oʻldirilishi boʻyicha tergov doirasida bir necha oʻnlab kishilarni hibsga oldi, deb
yozadi The New York Times ism-sharifi oshkor etilmagan manbalarga tayanib.
Qayd
etilishicha, hibsga olishlar, xususan, yuqori martabali razvedka xodimlariga taʻʻsir
koʻrsatgan.
Avvalroq
Livanning Hizbulloh harakati bosh kotibi Shayx Hasan Nasrulloh aynan Eron
poytaxtida HAMAS etakchilaridan birini oʻldirish Isroil tomonidan “halokatli xato”
boʻlganini, endi qarshilik oʻqi “qattiq qoʻshma javob” qaytarishini taʻʻkidladi.
Ayni
vaqtda, Islom inqilobi qoʻriqchilari korpusi (IIQK) tergovning oraliq
natijalarini eʻʻlon qildi. Tergovchilar Isroil xavfsizlik kuchlari AQSh koʻmagida
falastinlik siyosatchining qarorgohiga ogʻirligi qariyb 7 kg boʻlgan jangovar
kallakli qisqa masofali raketani otgan degan xulosaga kelishdi.
Ismoil
Haniya kecha Qatar poytaxti Doha chekkasida dafn qilindi.
Mavzuga aloqador
-
Eron turizmni jonlantirish maqsadida 32 davlat bilan viza tartibini bir tomonlama bekor qilishga qaror qildi. Ular orasida Oʻzbekiston ham boʻlishi mumkin.
-
Eron mudofaa vaziri AQShning Qizil dengizdagi kemalarni himoya qilish uchun xalqaro guruh yaratish rejasini tanqid qilib, agar shunday qilinsa, jiddiy muammolarga uchrashini aytdi.
