Eronda Iroqqa pokistonlik shia ziyoratchilarini olib ketayotgan avtobus halokatga uchradi
Eronda Arbain marosimi uchun Pokistondan Iroqqa shia ziyoratchilarni olib ketayotgan avtobusning agʻdarilib ketishi oqibatida 35 kishi halok boʻldi, 15 kishi jiddiy jarohatlandi. Ushbu ziyoratchilar Imom Husayn shahid etilganining 40-kunida nishonlanadigan Arbain marosimiga qatnashish uchun yoʻlga chiqishgan.
Eronda
Arbain marosimini nishonlash uchun Pokistondan Iroqqa yoʻlga chiqqan shia ziyoratchilarini
olib ketayotgan avtobus agʻdarilib ketdi. Hodisa oqibatida 35 kishi halok boʻldi, 15
kishi jarohatlandi.
Eron
davlat televideniesining xabar qilishicha, yoʻl-transport hodisasi Eronning Yazid
viloyati Dehshir-Taft avtomagistralida yuzaga kelgan.
Dastlabki
maʻʻlumotlarga koʻra, avtohalokatga avtomobilʻ tormoz tizimidagi nosozlik sabab
boʻlgan, dedi Yazid politsiyasi boshligʻi polkovnik Hoji Dehabadiy.
Pokiston
prezidenti Osif Ali Zardoriy halokat munosabati bilan hamdardlik bildirdi. U
Tashqi ishlar vazirligiga jabrlanganlarga yordam koʻrsatish, qurbonlarning
jasadlarini vataniga etkazish boʻyicha topshiriq berdi.
Arbain marosimi Imom Husayn 72 sahoba bilan Umaviylar xalifasi
Yazid qoʻshini bilan jangda halok boʻlganining qirqinchi
kunida oʻtkaziladigan xotira marosimidir. Bu yilgi Arbain marosimi 25 avgust
kuni boʻlib oʻtadi.
Mavzuga aloqador
-
Eron turizmni jonlantirish maqsadida 32 davlat bilan viza tartibini bir tomonlama bekor qilishga qaror qildi. Ular orasida Oʻzbekiston ham boʻlishi mumkin.
-
Eron mudofaa vaziri AQShning Qizil dengizdagi kemalarni himoya qilish uchun xalqaro guruh yaratish rejasini tanqid qilib, agar shunday qilinsa, jiddiy muammolarga uchrashini aytdi.
