04.12.2024 09:35
Eron va Saudiya Arabistoni oʻrtasida havo qatnovi 9 yildan soʻng tiklandi
Eron va Saudiya Arabistoni oʻrtasida 9 yildan keyin havo qatnovi tiklandi. Parvozlar Mashhad-Dammam yoʻnalishida amalga oshiriladi.
Eronning ISNA axborot agentligi xabariga koʻra, Mashhad shahridan uchgan yoʻlovchi samolyoti Dammam shahrida joylashgan Qirol Fahd xalqaro aeroportiga qoʻngan.
Kelishuv doirasida Dammam va Mashhad oʻrtasidagi reyslar haftasiga ikki marta amalga oshiriladi.
Eron-Saudiya munosabatlaridagi inqiroz 2016 yil 2 yanvarda Saudiya Arabistoni «terrorizm»da ayblanib, 47 kishini, jumladan, taniqli shia ruhoniysi Nimr an-Nimrni qatl qilganidan keyin boshlangan.
Bunga javoban Erondagi namoyishchilar Saudiya Arabistoni elchixonasi va Mashhaddagi Saudiya konsulligi binolariga oʻt qoʻydi.
2015 yilning mart oyida boshlangan Yaman inqirozi tufayli ikki davlat oʻrtasidagi diplomatik munosabatlar 3 yanvarʻ kuni butunlay uzildi.
2023 yil 10 mart kuni Xitoy va Iroq tashabbusi bilan Eron va Saudiya Arabistoni diplomatik munosabatlarni tiklash va oʻzaro asosda elchixonalar ochishga kelishib oldi.
