Eron va Misr 44 yil oʻtib diplomatik aloqalarni tiklash niyatida

Ikki davlat oʻrtasidagi aloqalar 1979 yilda uzilgan edi.

Tehron va Qohira 40 yildan ortiq davom etgan keskin munosabatlardan soʻng diplomatik munosabatlarni tiklashga umid qilmoqda, deb yozadi Eron matbuoti.

“Hozirgacha olib borilgan muzokaralar istiqbolli boʻldi. Ikkala davlat ham oʻzaro kelishmovchiliklarni bartaraf etish uchun yaxshi yoʻldan bormoqda va tez orada yangi diplomatik sahifa ochishni rejalashtirmoqda. Aloqalarni tiklash nafaqat ikki davlatga, balki butun islom olamiga, ayniqsa Gʻazodagi hozirgi mojaro fonida falastinliklarga foyda keltiradi”, - deya taʻʻkidladi Eron Tashqi ishlar vazirligi matbuot kotibi Nasir Kanani.

Oʻz navbatida, Misr TIV rasmiy vakili Ahmad Abu Zayd mamlakat tashqi ishlar vaziri Samix Shukriy eronlik hamkasbiga qoʻngʻiroq qilgani, suhbat chogʻida Gʻazodagi vaziyat hamda ikki tomonlama masalalar muhokamasi davom ettirilganini maʻʻlum qildi.

Ikki davlat oʻrtasidagi mustahkam aloqalar 1980 yilda, Eronda Islom inqilobi gʻalaba qozongani, Misrning Isroilni tan olganidan koʻp oʻtmay uzilgan. Shu tariqa Misr Eronda elchixonasi boʻlmagan yagona arab davlatiga aylandi. Misrning 1979 yilda Isroil bilan Kemp-Devid kelishuvini imzolashi, Eron-Iroq urushi (1980-1988) davrida Misrning Iroqni qoʻllab-quvvatlashi, Misr prezidenti Anvar Sadat qotili Xalid Islambulining Eronda ulugʻlanishi va qahramon sifatida eʻʻtirof etilishi, Misrning AQSh va aksariyat Gʻarbiy Evropa davlatlari bilan yaqin aloqalari ikki davlat oʻrtasidagi kelishmovchiliklarning asosiy sabablari hisoblanadi.

2007 yildan buyon Eron va Misr oʻrtasidagi munosabatlarda, asosan, savdo va diplomatik saʻʻy-harakatlar tufayli biroz iliqlik kuzatilmoqda. 2008-2009 yillarda Isroil Gʻazo sektorida harbiy operatsiya oʻtkazganida, Eron va Misr siyosatchilari mojaroning kuchayishi munosabati bilan harakatsizlikda ayblashdi. Umuman olganda, 2012 yil fevralida prezident Husni Muborakning isteʻʻfoga chiqishiga sabab boʻlgan Misrdagi inqilobgacha Eron va Misr oʻrtasidagi munosabatlarda sezilarli yaxshilanish kuzatilmadi. Shu yilning aprelʻ oyida Eron Misrga elchi tayinladi. Avgust oyida Misrning yangi prezidenti Muhammad Mursiy Eronga tashrif buyurdi va mamlakatlar oʻrtasidagi ikki tomonlama diplomatik munosabatlarni tiklash qarori qabul qilindi. Koʻp yillar davomida birinchi marta Misrning Erondagi elchisi tayinlandi. Garchi mamlakatlar oʻrtasidagi munosabatlar izchil yaxshilanayotgan boʻlsa-da, haligacha koʻplab hal etilmagan muammolar mavjud boʻlib, munosabatlarning keyingi rivojlanishi shubha ostida qolmoqda. Bu muammolarning salmoqli qismi Saudiya Arabistoni va Gʻarb davlatlari kabi uchinchi davlatlar bilan aloqalar bilan bogʻliq.

Mavzuga aloqador

Eng ko‘p o‘qilgan

Tavsiya qilingan

Reklama