Eron mudofaa doktrinasini yadroviyga oʻzgartirmoqchi
Yaqin Sharq mintaqasining istalgan nuqtasiga jangovar kallaklarni etkazib beruvchi samarali vositalariga ega Eron rasman yadroviy davlatga aylanishga tayyorlanmoqda. Eron parlamentining 39 nafar deputati Milliy xavfsizlik oliy kengashiga hozirda yadro qurolini yaratishni taqiqlovchi milliy mudofaa doktrinasiga oʻzgartirish kiritish taklifi bilan murojaat qildi.
Eron
parlamentining 39 nafar deputati Milliy xavfsizlik oliy kengashiga hozirda yadro
qurolini yaratishni taqiqlovchi milliy mudofaa doktrinasiga oʻzgartirish kiritish
taklifi bilan murojaat qildi, deya xabar bermoqda TRT.
Maktub
tashabbuskori deputat Hasanali Axlakiy Amiriy bu taklifni Isroilning mintaqadagi
harakatlari jazosiz qolgani va Eron mudofaa qobiliyatini mustahkamlash zarurati
bilan izohladi.
“Bugun
hech bir xalqaro tashkilot, hatto Evropa va Amerika davlatlari sionistik rejimni
nazorat qila olmaydi, shuning uchun bu yolgʻonchi rejim har qanday jinoyatga qoʻl
urmoqda. Shunga asoslanib, 39 nafar parlamentariy Milliy xavfsizlik oliy
kengashiga maktub yozib, kengashni Eron mudofaa doktrinasini qayta koʻrib chiqishni
taklif qildi”, deb tushuntirdi deputat.
Yillar
davomida Eron oliy rahnamo Ali Xomanaiyning qurollarni islom tamoyillariga zid
deb hisoblagan fatvosiga amal qilib, yadroviy qurol ishlab chiqarishni taqiqlab kelmoqda.
Mavzuga aloqador
-
Eron turizmni jonlantirish maqsadida 32 davlat bilan viza tartibini bir tomonlama bekor qilishga qaror qildi. Ular orasida Oʻzbekiston ham boʻlishi mumkin.
-
Eron mudofaa vaziri AQShning Qizil dengizdagi kemalarni himoya qilish uchun xalqaro guruh yaratish rejasini tanqid qilib, agar shunday qilinsa, jiddiy muammolarga uchrashini aytdi.
