EI Rossiya aktivlaridan tushgan 5 mlrd evrolik daromadni Kievga bermaslikka qaror qildi

Evropa Ittifoqi Kiev kutayotgan Rossiya aktivlaridan olingan 5 mlrd evrolik daromadni saqlab qolishga qaror qildi. Ushbu mablagʻlar “yuridik xarajatlarni qoplash uchun” ushlab qolinadigan boʻldi.

Evropa Ittifoqi Rossiyaning muzlatilgan aktivlaridan tushgan 5 mlrd evro miqdoridagi daromadni Ukrainaga oʻtkazmaslikka qaror qildi. Yuridik xarajatlarni qoplash uchun mablagʻlar ushlab qolinadi. Bu haqda Politico hali ommaga oshkor etilmagan tegishli hujjatga tayanib xabar bermoqda.

Hozirda Rossiyaning muzlatilgan mablagʻlarining katta qismi bosh qarorgohi Bryusselda joylashgan Euroclear xalqaro depozitariysi tomonidan boshqariladi. Ushbu tashkilotga oʻtgan yili va bir yil oldin mazkur mablagʻlarni investitsiya qilishdan olingan daromadning bir qismini oʻzi uchun saqlashga ruxsat berilgan.

Qayd etilishicha, ushbu sxema boʻyicha 2024 yil 15 fevralgacha olingan pullar Rossiya va boshqa davlatlardan joriy hamda potentsial daʻʻvolarni toʻlash imkonini beruvchi bufer vazifasini bajaradi.

Depozitariy vakillari nashrga 2022 va 2023 yillar uchun muzlatilgan Rossiya aktivlaridan olingan daromadlar «oddiy» daromadlardan ajratilganini maʻʻlum qildi. Xususan, ular aktsiyadorlarga taqsimlanmaydi va keyingi ogohlantirishgacha saqlanadi.

Politico maʻʻlumotlariga koʻra, 2024 yilning fevraliga qadar Rossiya kompaniyalari Rossiyada Euroclear hisob-kitob va kliring tizimiga qarshi bloklangan mablagʻlarni qaytarishni talab qilib, 94 ta daʻʻvo arizasi bergan. Avvalroq prezident matbuot kotibi Dmitriy Peskov Moskva muzlatilgan aktivlar musodara qilinishi va ulardan Ukraina foydasiga foydalanilishiga jim qarab turmasligini aytgandi.

«Vedomosti»ning qayd etishicha, Kiev Evropa Ittifoqi qaroridan norozi, deb yozadi Politico. Ukraina adliya vaziri Denis Malyuskaning fikricha, 5 mlrd evro Euroclear uchun har qanday xavf qarshisida juda katta «bufer».

Depozitariy rahbariyati avvalroq jamgʻarma Ukrainadagi urush natijasida 34 mln evroga yaqin zarar koʻrganini daʻʻvo qilgan edi. Ayni paytda Euroclear jami 192 milliard evrolik Rossiya davlat aktivlariga ega.

Mavzuga aloqador

Eng ko‘p o‘qilgan

Tavsiya qilingan

Reklama