22.11.2024 06:54
EI davlatlari Netanyaxuni hibsga olish qarorini qoʻllab-quvvatlamoqda
Evropa Ittifoqining aksariyat davlatlari Isroil bosh vaziri Binyamin Netanyaxuni hibsga olish uchun order berilishi munosabati bilan Xalqaro jinoiy sudni qoʻllab-quvvatlamoqda. Evropa Ittifoqi oliy vakili, Niderlandiya, Italiya, Britaniya, Norvegiya, Shvetsiya, Irlandiya va Shveytsariya allaqachon Gaaga sudi qaroriga amal qilinishini bildirdi.
Niderlandiya va Shveytsariya tashqi ishlar vazirlari Netanyaxu oʻz mamlakatlariga tashrif buyurgan taqdirda, uni hibsga olishlarini tasdiqladilar. Frantsiya Tashqi ishlar vazirligi Netanyaxuning hibsga olingani haqidagi savollarga javob bermadi.
Italiya Isroil bosh vaziri Binyamin Netanyaxu mamlakatga kelsa, uni hibsga olishga majbur boʻladi, dedi Mudofaa vaziri Gido Krosetto Xalqaro jinoiy sud hibsga olishga order berganidan keyin.
Avstriya tashqi ishlar vaziri Aleksandr Shallenberg esa Isroil rahbarini hibsga olish orderini tanqid qilib, uni "tushunib boʻlmaydigan" va "sud nufuziga putur etkazuvchi" deb atadi, ammo Avstriya hibsga olish orderlarini bajarishi shartligi, chunki "xalqaro huquq" boʻyicha muzokaralar olib borilmasligi hamda hamma joyda va har doim amal qilinishini aytdi.
Irlandiya bosh vaziri Saymon Xarris orderlarni "oʻta muhim qadam" deb atadi va Irlandiya Xalqaro jinoyat sudi rolini hurmat qilishini, unga oʻz vazifasini bajarishda yordam bera oladigan har qanday davlat buni "shoshilinch ravishda" bajarishi kerakligini qoʻshimcha qildi.
Britan matbuotining xabar berishicha, Britaniya Xalqaro Jinoyat Sudining Binyamin Netanyaxu mamlakatga tashrif buyurgan taqdirda hibsga olish haqidagi har qanday soʻroviga rozi boʻlishi mumkin, garchi Dauning-strit bu savolni toʻgʻridan-toʻgʻri tasdiqlashdan bosh tortgan boʻlsa ham.
Oq Saroy Xalqaro jinoyat sudining Netanyaxu va Gallantni hibsga olish haqidagi qarori rad etilishini maʻʻlum qildi.
