Britaniyalik general shampan ichgani uchun Afgʻonistondan chiqarib yuborildi

Britaniya generali, Britaniya imperiyasi ordeni sohibi Charli Gerbert Afgʻonistondan spirtli ichimliklar mojarosi tufayli vataniga qaytarildi, deb xabar bermoqda Daily Mail.

Qayd etilishicha, Gerbert bir necha yil davomida Afgʻonistonda “Tolibon” harakati hokimiyat tepasiga kelganida hokimiyatdan agʻdarilgan prezident Ashraf Gʻani davridagi amaldorlarga murabbiylik qilgan.

Nashr maʻʻlumotlariga koʻra, Gerbert oʻz ustidan tushgan shikoyat tufayli ushbu musulmon mamlakatidagi xizmatini uch oy erta yakunlagan. Generalning xatti-harakatidan norozi boʻlgan shaxsning ismi oshkor etilmagan. Shikoyatchi Gerbertning bir qancha nomaqbul xatti-harakatlari haqida xabar berdi.

Aytilishicha, erkak hamkasblarini soʻkkan, Britaniya elchixonasida ziyofat uyushtirgan va afgʻon hamkasblari bilan ochiqchasiga spirtli ichimlik ichgan. Biroq, tergov natijalariga koʻra, faqat bitta epizod - ish joyida hamkasblari bilan bir shisha shampan ichish holati isbotlangan.