Britaniya harbiylarga soqol qoʻyish taqiqini bekor qildi

Britaniya hukumati bir necha oylik oʻrganishlardan soʻng harbiy xizmatchilarga soqol qoʻyishni taqiqlovchi tartibni “eskirgan” deb topdi. Oʻtkazilgan soʻrovlarda 54 foiz erkaklar soqol yoki moʻylov qoʻyishni afzal koʻrishi aniqlangan. Ushbu qarordan soʻng Britaniya armiyasida xizmat qilishni xohlovchi yoshlar soni ortishi kutilmoqda.

Britaniya hukumati harbiy xizmatga yollanish va armiya muammolarini hisobga olib, askarlarga soqol va moʻylov oʻstirishga qoʻyilgan taqiqlovchi tartibni bekor qilishga qaror qildi.

Mamlakat mudofaa vaziri Grant Shapps qaror soʻrov natijalariga koʻra qabul qilinganini aytdi va 54 foiz erkaklar soqol yoki moʻylov qoʻyishni afzal koʻrishini taʻʻkidladi.

Shappsning tushuntirishicha, ayni paytda harbiy xizmatga yollash muhim ustuvor yoʻnalish boʻlib, shu sababli soqolni taqiqlash boʻyicha eskirgan qaror qayta koʻrib chiqilgan.

"Bugun qoidalarga sezilarli oʻzgarishlar kiritildi", dedi u.

Armiya vakilining BBC ga aytishicha, taqiq bir necha oylik oʻrganishlardan soʻng bekor qilingan. Shuningdek, u taqiq olib tashlanganidan soʻng armiyaga boradigan yoshlar soni ortishi kutilayotganini taʻʻkidladi.

Yangi tartibga koʻra, quruqlikdagi qoʻshinlarda xizmat oʻtayotgan harbiy xizmatchilarga soqolini 2,5 sm gacha oʻstirishga ruxsat beriladi. Askarning boʻyin va yonoqlari qirilgan boʻlishi, soqolining uzunligi esa bir xilda, tartibli boʻlishi hamda boʻyalmasligi kerak.

Mavzuga aloqador

Eng ko‘p o‘qilgan

Tavsiya qilingan

Reklama