Bombalar ostidagi Gʻazo: 118‑kunning asosiy voqealari

Isroil tomonidan Gʻazo sektorida qatliom boshlanganiga 118 kun boʻldi. Oʻtgan kunning asosiy voqealari dayjesti.

▪ 24 soat davomida bosqinchilar Gʻazoda 16 marta qirgʻin qildi, 150 kishi halok boʻldi, 313 kishi yaralandi. Natijada Isroil hujumlari natijasida halok boʻlgan gʻazoliklar soni 26,9 ming, jarohatlanganlar 65,9 mingga etdi.

▪  Bosqinchilar Nuseyrat lageri, Dayr al-Balahiy va Gʻazoning shimoliy hududlariga, qayiqlar bilan qochqinlar lagerlari joylashgan Rafaks sohiliga hujum uyushtirdi.

▪ Gʻarbiy Sohilda ishgʻolchilar Qalqilya, Baytlahm va Erixoga bostirib kirdi, u erda shafqatsiz kaltaklanish natijasida qoʻli singan 17 yoshli bola hibsga olindi.

▪ Husiylar AQShning KOI savdo konteyner kemasi va Amerikaning USS Greeley esminetsiga kemaga qarshi raketalar bilan zarbasi berdi.

▪ AQSh Yamanning Xodeyda port shahriga hujum qildi.

▪UNRWA maʻʻlumotlariga koʻra, Gʻazo sektoridagi koʻchirilgan oilalar uchun moʻljallangan lagerlar kamida 270 marta hujumga uchragan.

▪ Evropa Ittifoqining tashqi siyosat va xavfsizlik boʻyicha oliy vakili Jozep Borrell: Gʻazoda sodir boʻlayotgan voqealar umumiy vijdonimizdagi yara.

▪ Jazoir BMT Xavfsizlik Kengashiga Gʻazo sektorida zudlik bilan oʻt ochishni toʻxtatishni talab qiluvchi rezolyutsiya loyihasini taqdim etdi.

▪ Isroil armiyasi Gʻazo sektori shimolidagi toʻqnashuvlar chogʻida 36 yoshli isroillik mayor Itsxar Xoffman oʻldirilganini maʻʻlum qildi. 2023 yil 7 oktyabrdan beri oʻldirilgan isroil harbiylari soni 561 nafarga etdi, ularning 224 nafari quruqlik hujumi paytida yoʻq qilingan.

Mavzuga aloqador

Eng ko‘p o‘qilgan

Tavsiya qilingan