Bombalar ostidagi Gʻazo: 111-kunning asosiy voqealari

Isroil tomonidan Gʻazo sektorida qatliom boshlanganiga 111 kun boʻldi. Oʻtgan kunning asosiy voqealari dayjesti.

▪ Bosqinchilar Xon Yunis, Jabaliya va Rafaksni bombardimon qilishda davom etmoqda. Ushbu hududlar bosqinchilar sektorning xavfsiz deb eʻʻlon qilgan janubiy qismlari hisoblanadi. Shu bois aholining katta qismi bu erga koʻchib kelgan.

▪ Bir kun davomida Gʻazo sektorida 200 dan ortiq odam halok boʻldi. Umuman olganda, urush boshlanganidan beri 25,7 ming kishi qurbon boʻldi, 63,740 kishi yaralandi.

▪ Bosqinchilar BMTning koʻchirilganlar uchun markazi boʻlgan Nosir kasalxonasiga zarba berdi. Ayni paytda markazda 30 mingdan ziyod kishi jon saqlamoqda.

▪ BMT: Hech kim Nosir kasalxonasiga bombardimon va oʻq otilishi sababli kira olmayapti yoki chiqa olmayapti. Bu erda koʻchirilganlar, yaradorlar, buyrak etishmovchiligi boʻlgan 400 nafar bemor boshpana topgan.

▪ Husiylar matbuot kotibi Yaxyo Sariya: Bugun Adan koʻrfazi va Bab al-Mandabada Amerika harbiy kemasiga hujum qildik. Natijada, kema toʻgʻridan-toʻgʻri zarba oldi va Amerikaning ikkita savdo kemasi yoʻnalishini oʻzgartirishga majbur boʻldi.

▪ Gʻarbiy Sohilda bosqinchilar maktabga bostirib kirishdi. Jeninda 12 soatdan ortiq vaqtdan beri qarshilik jangchilari va bosqinchilar oʻrtasida shiddatli toʻqnashuvlar davom etmoqda. Oʻnlab lagerʻ aholisi, jumladan, ishgʻolchilar hujumiga uchragan falaj nogironlar haqida xabarlar bor.

▪ Bosqinchilar Livan bilan chegaraning gʻarbiy qismiga qurolli shaxslar kirib kelgani haqidagi xabarlardan soʻng katta miqdordagi harbiy texnikani joylashtirdi.