Bombalar ostidagi Gʻazo: 105-kunning asosiy voqealari

Isroil tomonidan Gʻazo sektorini bombardimon qilish boshlanganiga 105 kun boʻldi. Oʻtgan kunning asosiy voqealari dayjesti.

▪ Bosqinchilar Gʻazo shimolida Shifa kasalxonasi va Xon Yunis Nosir kasalxonasi atrofida hujumlar uyushtirdi. Oxirgi 24 soat ichida bosqinchilar 15 marta qirgʻin qildi, 172 gʻazolik qurbon boʻldi.

▪ 7 oktyabrdan buyon Isroilning Gʻazoga hujumlari natijasida eng kamid 24620 falastinlik halok boʻldi, 61830 nafari jarohatlandi.

▪ Gʻazo janubidagi janglarda bir nafar Isroil harbiysi - Givati brigadasining 20 yoshli serjanti halok boʻlgani, yana uch nafari jarohatlangani ortidan Falastin hududida quruqlikdagi amaliyotlar davomida oʻlgan isroillik askarlar soni 194 nafarga etdi (7 oktyabrdan buyon jami – 530), 1178 nafarga yaqini jarohatlandi.

▪ Gʻarbiy sohilda bosqinchilar 44 soat davomida Tulkarm lageriga bostirib kirishdi. Oʻnlab falastinliklar hibsga olindi, 10 dan ortiq kishi yaralandi, 1 falastinlik halok boʻldi.

▪ Al-Qassam brigadalari soʻnggi 24 soat ichida anklavning turli hududlarida olib borilgan amaliyotlar chogʻida oʻnlab isroillik askarlarni oʻldirgani va yaralangani haqida xabar berdi.

▪ Xon-Yunis gʻarbidagi Iordaniya dala kasalxonasi yaqiniga ishgʻol kuchlari mashinalari va bulʻdozerlar etib keldi.

▪ Gʻazoda gavjum boshpanalarda kasalliklar tarqalmoqda. Kattalar orasida gepatit S ning tarqalishi qayd etilgan, bolalarda diareya va teri kasalliklari kuzatilmoqda.

▪ Suriyadan bosib olingan Golan tomon raketalar uchirildi.

▪ Gʻazo sektoridan koʻchirilganlar boshpanalarda Qurʻʻoni karimni oʻrganish uchun 70 ta markaz ochishdi.

▪ Meksika va Chili Xalqaro jinoiy sudni Isroilning Gʻazo sektoridagi tajovuzini tekshirish chaqiriqlariga qoʻshildi.