Bombalanayotgan Gʻazo: 322-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 322 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar Xon Yunis va Dayr al-Balahga hujum qilishdi. Kun davomida 47 kishi, asosan ayollar va bolalar halok boʻldi. Urush boshlanganidan buyon 40265 kishi shahid boʻldi.

▪️Shin Bet rahbari Netanyaxu va Galantni Gʻarbiy Sohilda yahudiy terrorizmi tarqalishi haqida ogohlantirdi.

▪️ Save the Children: Britaniya hukumatini Isroilga barcha qurol savdosini darhol toʻxtatishga chaqiramiz.

▪️YuNRVA rahbari: Gʻazodagi vaziyat halokatli darajada va u erda xavfsiz joyning oʻzi yoʻq.

▪️Rossiyaning BMTdagi vakili Dmitriy Polyanskiy: Gʻazoda davom etayotgan qon toʻkishi allaqachon 40 mingdan ortiq begunoh tinch aholining hayotiga zomin boʻldi. Gʻazoda sodir boʻlayotgan voqealar toʻliq qonunsizlikdir.

▪️Rossiya tashqi ishlar vaziri oʻrinbosari S.V. Vershinin BMTning Gʻazo sektoridagi gumanitar masalalar va qayta qurish boʻyicha koordinatori bilan telefon orqali muloqot qildi. Falastinliklarga, jumladan, maxsus mexanizm yaratish va ishga tushirish orqali shoshilinch yordam koʻrsatish masalasi muhokama qilindi.

▪️BMT maxsus maʻʻruzachisi Francheska Albanese: Isroil oʻt ochishni toʻxtatish boʻyicha muzokaralar niqobi ostida doimiy ishgʻol qilish uchun sharoit yaratib, koʻproq erlarni egallab olishga harakat qilmoqda.