Bombalanayotgan Gʻazo: 248-kunning asosiy voqealari

Bombalanayotgan Gʻazo: 248-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 248 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️ Bosqinchilar Bureyj lageri, Shujayya hududi, Dayr al-Balah va Rafahga hujum qildi. Urush boshlanganidan buyon 37 084 kishi shahid boʻldi.

▪️ Iordan daryosining gʻarbiy sohilida ishgʻolchilar Tubas, Tulkarm, Nablus, Baytlahm, Xalil, Jenin va Qalqilyaga bostirib kirdi. Ikki falastinlik halok boʻldi, 4 nafari yaralandi, ulardan 2 nafari bola. Tubasda qarshilik jangchilari bosqinchilar bilan shiddatli janglar olib bormoqda.

▪️ Gʻazo hukumati: Gʻazoda urush boshlanganidan beri 150 jurnalist halok boʻldi.

▪️ Hizbulloh Golan va Kfar Shuba tepaliklarida 6 ta amaliyot oʻtkazdi. Raketalar Udemdagi ishgʻol artilleriya diviziyasi qarorgohigacha etib bordi.

▪️ Al-Quds brigadalari: Karem abu Salem (Karam Shalom) nazorat-oʻtkazish punktida muxoliflar otryadiga hujum qildik, shuningdek, Gʻazo markazidagi ishgʻol texnikasini yoʻq qildik.

▪️ Isroil armiyasi Bosh shtabining sobiq rahbari, general-leytenant Gadi Ayzenkot, “Maxane Mamlaxti” partiyasi etakchisi Beni Gants hamda Gʻazodagi diviziya qoʻmondoni Avi Rozenfelʻd Netanyaxu hukumatini tark etdi. HAMAS: Gants va Ayzenkot choʻkayotgan kemani birinchilardan boʻlib tark etishdi.

▪️ Iordaniya, Marokash, AQSh, Kanada, Frantsiya, Braziliya, Ispaniya, Buyuk Britaniya, Niderlandiya va Indoneziyada Falastinni qoʻllab-quvvatlovchi ommaviy namoyishlar boʻlib oʻtmoqda.

▪️ Gʻazoda AQSh maxsus qoʻshinlari boshchiligida amalga oshirilgan qutqaruv operatsiyasi davomida HAMAS qoʻlidagi uch asir, ulardan biri Amerika fuqaroligiga ega, halok boʻldi. Mazkur qatliomda 274 nafar tinch aholi vakili qurbon boʻldi, 698 kishi jarohatlandi.

▪️ Isroilning 12-kanalida arab madaniyatiga bagʻishlangan koʻrsatuv olib boruvchi aktrisa va yangiliklar boshlovchisi Lama Tatur Instagram ijtimoiy tarmogʻida HAMAS qoʻlidan ozod qilingan ayol haqida: “9 oylik asirlikdan keyin garovga olingan odam shunday koʻrinadimi? Uning qoshlari, terisi, sochlari, tirnoqlari menikidan yaxshiroq koʻrinyapti! Buning uchun haqiqatan ham begunoh bolalar va ayollarni oʻldirish kerakmidi?” deb yozgani uchun ishdan boʻshatildi.

Mavzuga aloqador

Eng ko‘p o‘qilgan

Tavsiya qilingan

Reklama