Bombalanayotgan Gʻazo: 207-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 207 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️ Bosqinchilar Rafah, Xon Yunis, Nuseyrat lageri va Gʻazo markaziga hujum qildi. Urush boshlanganidan buyon 34488 kishi shahid boʻldi.

▪️ HAMASning Gʻazodagi etakchisi Yahyo Sinvar: oʻt ochishni toʻxtatish va Isroil qoʻshinlarining Gʻazodan olib chiqib ketilishi shartlari kiritilmasa, asirlarni almashish boʻyicha hech qanday kelishuv boʻlmaydi.

▪️ Bosqinchi Isroil armiyasi Gʻazo sektoridagi janglar davomida ikki ishgʻolchi askar – mayor unvoniga ega harbiylar halok boʻlganini maʻʻlum qildi.

▪️ Husiylar Qizil dengizda Amerikaning Cyclades kemasiga, Hind okeanida esa Isroil kemasiga hujum qildi.

▪️ Axios: AQSh Kongressi aʻʻzolari Xalqaro jinoiy sudni Isroil rasmiylarini hibsga olishga order berishdan ogohlantirdi. Order berilishiga AQSh tomonidan javob choralari koʻrilishi bildirilgan.

▪️ Xalqaro jinoiy sud prokurorlari Gʻazodagi ikki yirik shifoxona - Shifa va Nosir xodimlari bilan suhbat oʻtkazdi. Bu Xalqaro sud shifokorlar bilan Gʻazodagi bosqinchilarning jinoyatlari haqida gaplashganining ilk tasdigʻidir.

▪️ Bugun Gaagadagi Xalqaro sud Germaniya falastinliklarni oʻldirish uchun bosqinchilarga qurol etkazib berish orqali jinoyat sodir etyaptimi yoki yoʻqmi, degan qarorga keladi.

▪️ Senator Berni Sanders Isroil bosh vaziri Benʻyamin Netanyaxuning AQSh universitetlari kampuslarida Falastin tarafdori boʻlgan namoyishlarni qoralagan soʻnggi soʻzlarini keskin tanqid qildi. Oʻz bayonotida Sanders bunday namoyishlar antisemitizm yoki HAMAS tarafdori ekanligi haqidagi daʻʻvolarni rad etdi. Uning taʻʻkidlashicha, soʻnggi olti oy ichida Isroil hukumati 34 ming falastinlikni oʻldirgan va 77 mingdan ortiq kishi jarohat olgan, qurbonlarning 70 foizi ayollar va bolalardir.

 

Mavzuga aloqador

Eng ko‘p o‘qilgan

Tavsiya qilingan